Bibitakin Tein te Bwanaa

Taeka N Rabakau 8:​4, 7

KABWARABWARAANA: Katuruturui iango aika kakawaki ao kaingaingaa te nano n arom ni bibita nenen bwanaam, teini bwanaam, ao birin am taetaenikawai.

ARONI KARAOANA:

• Bibita nenen bwanaam. Kanenea riki bwanaam ibukini katuruturuan reirei aika kakawaki ao anaakin nanoia taan ongora. Karaoa naba anne ngkana ko wareka te kibu ae taekin taiani motikitaeka. Kauarerekea riki bwanaam ni kaingaingaa te nano ke ni kaota te maaku ke te raraoma.

• Bibita teini bwanaam. Ngkana e riai n am taetae, kamatoaa riki bwanaam ni kaota te ingaingannano, te raroa, ke buburan te bwai teuana. Kamaararaa riki bwanaam ngkana ko kaota te nanokawaki ke te raraoma.

• Birin am taetaenikawai. Kawititiko riki n taetae ngkana ko kaota te ingaingannano. Kawiremweko riki n taetae ngkana ko taekin reirei aika kakawaki.