Reireiara Mani Maiun Tamuera

E teimatoa Tamuera ni kakaonimaki nakon Iehova ni kabane maiuna. Ngke te teei ngaia, e rawa ni karaoa ae buakaka n aroia natin Eeri ake Obeni ao Bineati. (1Ta 2:​22-26) E teimatoa n ikawairake Tamuera, ao e memena Iehova iroun teuaei. (1Ta 3:19) Ngke e a kara, e bon teimatoa naba n nakonako ni kawain Iehova e ngae ngke a aikoa natina.​—1Ta 8:​1-5.

Tera reireiara man ana katoto Tamuera? Ngkana te roro n rikirake ngkoe, kakoauaa bwa e bon ota Iehova n am kangaanga ake ko kaaitarai ao n am namakin. E kona ni buokiko bwa ko na ninikoria. (It 41:​10, 13) Ngkana te karo ngkoe ae iai natim ae e aikoa beku iroun Iehova, karekea raun nanom n ataakin ae e aki kona ni kairoroiia natina Tamuera bwa a na kateimatoa aia kakaonimaki nakon ana kaetieti Iehova. E ngae ngke e katikui bwaai ni kabane nakon Iehova, ma e boni kateimatoa naba kakaonimakina n te aro ae eti ao ni kakukureia Tamana are i karawa ae Iehova. Tao e na kairaki naba natim n am katoto ae raoiroi bwa e na manga okira Iehova.

MATAKU N TE TAAMNEI AE KAREKEA REIREIAM IROUIA​—TAMUERA, AO KAEKAI TITIRAKI AIKAI:

• 

  E kangaa Tamuera ni kaotiota te ninikoria ngke te teei ngaia?

• 

  E kangaa Danny ni kaotiota te ninikoria?

• 

  E kangaa Tamuera ni katea te katoto ae raoiroi ibukia mwaane aika kara?

• 

  A kangaa ana karo Danny ni katea te katoto ae raoiroi?