I a Tauraoi?
I a Tauraoi n Uarongorongo ma te Ekaretia?
Ko a bae n tauraoi n riki bwa te tia uarongorongo ae tuai ni bwabetitoaki ngkana . . .
Ko katoatai n ukeuke n te Baibara, n tataro, ao ni kaakaei bobotaki n te ekaretia.
Ko tangira ao ni kakoauaa te bae ko reiakinna ao ko kan tataekinna nakoia aomata.
Ko tangira Iehova ao n rineiia bwa raoraom ni kaan naake a tangiria.
Ko a tia ni butiaaina man te bwaatei teuana ke man te Aro ae kewe.
Ko a maiuakina ae boraoi ma ana kaetieti Iehova ao ni kan riki bwa temanna Ana Tia Kakoaua Iehova.
Ngkana ko taku bwa ko a tauraoi n uarongorongo ma te ekaretia, e kona ni baireia am tia reirei n te Baibara bwa ko na maroro ma unimwaane arom n tau nako iai.
I a Tauraoi Nakon te Bwabetito?
Ko a bae n tauraoi nakon te bwabetito ngkana . . .
Ai te tia uarongorongo ngkoe ae tuai ni bwabetitoaki.
Ko katoatai n ira te mwakuri n uarongorongo n aron ae ko konaa.
Ko boutokaa ao n aantaeka nakon te kairiri mairoun “te toro ae kakaonimaki ma ni wanawana.” —Mataio 24:45-47.
Ko a tia ni katabua maium nakon Iehova rinanon te tataro ao ni kani beku irouna n aki toki.
Ngkana ko taku bwa ko a tauraoi nakon te bwabetito, e kona ni baireia am tia reirei n te Baibara bwa ko na maroro ma unimwaane arom n tau nako iai.