REIREI 05
Iai Ana Rongorongo te Atua Nakoira n te Baibara
E a tia Iehova n anganira te bwaintangira ae moan te tamaroa, ae te Baibara. Iai 66 booki aika uarereke i nanona. Ma ko bae ni kangai: ‘E roko mai ia te Baibara? Antai te tia koreia?’ Ibukini kaekaan titiraki aikai, ti na noria bwa e kangaa n roko iroura, ana rongorongo te Atua ae n te Baibara.
1. Ngkana aomata aika korea te Baibara, ao e aera ngkai ti taekinna bwa bon te tia Koreia te Atua?
E koreaki te Baibara irouia mwaane aika 40 mwaitiia n te maan ae raka i aon 1,600 te ririki, bwa man 1513 B.C.E. ni karokoa tao 98 C.E. Ao a kakaokoro nako aroia taani korea te Baibara aikai. Ma e ngae n anne a bon aki kauntaba kanoana. E kangaa n riki anne? Ibukina bwa te Atua bon te tia Korea te Baibara. (Wareka 1 I-Tetaronike 2:13.) A aki korei oin aia iango taani korea te Baibara aikai. Ma “a taetae . . . mairoun te Atua ngke a kairaki n te taamnei ae raoiroi.”a (2 Betero 1:21) E kabongana taamneina te Atua ni kaiririia iai mwaane aikai bwa a na korei ana iango.—2 Timoteo 3:16.
2. Antai aika a kona ni kakabwaiaaki man te Baibara?
A kona ni kakabwaiaaki “natannaomata nako ao baronga ao taian taetae ao botannaomata,” man te rongorongo ae raoiroi ae n te Baibara. (Wareka Te Kaotioti 14:6.) E taraia raoi te Atua bwa e na tauraoi te Baibara n taetae aika bati riki, nakoni booki nako. A a kona n reke aia Baibara angia aomata. Ao e noraki koauan anne n taabo nako ao n taetae nako.
3. E kangaa Iehova ni kawakina te Baibara?
E koreaki te Baibara i aoni baika aki teimaan, n aroni kunin te man ao te babirati. Ma mwaane aika tangira te Baibara a kaewewea raoi kanoan te Baibara ni baia. E ngae ngke a kataia ni kamauna te Baibara aomata aika kakannato, ma iai naba ake a kukurei ni karuanikaia maiuia ibukini kawakinana. E aki kona Iehova ni kariaia temanna ke te bwai teuana bwa e na tuka reitakina ma ngaira. E taku te Baibara: “E teimatoa n aki toki ana taeka Atuara.”—Itaia 40:8.
REIAKINA AE BATI RIKI
Nora riki aron te Atua ni kairiia mwaane rinanon taamneina bwa a na korea te Baibara, arona ni kawakinna, ao arona ni katauraoia ibukia aomata nako.
4. E kaotaki n te Baibara bwa antai te tia Koreia
Kaota te TAAMNEI. Ao wareka 2 Timoteo 3:16, ao maroroakin titiraki aikai.
Ngkana a korea te Baibara mwaane, e aera ngkai e atongaki bwa Ana Taeka te Atua?
Ko kakoauaa ae te Atua e kona ni kaota ana iango nakoia taani korea te Baibara aika aomata?
E kona ni korea te reta te tia koroboki, ma te rongorongo are iai boni mairoun te aomata are e tua koreana. N aron anne, a korea te Baibara aomata, ma te rongorongo are iai boni mairoun te Atua
5. E aki maunanako te Baibara
Ngkana te Baibara mairoun te Atua, ti na kantaningaia bwa e na boni kawakinna. Mangkekei n uaa ngkai, ao a kataia mwaane aika kakannato ni kamauna te Baibara. A kataia mataniwi n Aaro ni karabaa te Baibara. Ma n aki ongea te kakaaitara ao kakamaakaia n te mate, a bati aika a tia ni karuanikaia maiuia ibukini kawakinan te Baibara. Ti na nora taekan te mwaane temanna, kaota te TAAMNEI, ao maroroakin titiraki aikai.
Ko a kani wareka riki te Baibara ngkai, imwin norani baika bati aika karaoaki ibukini kawakinana? Bukin tera?
Wareka Taian Areru 119:97, ao maroroakina te titiraki aei:
Tera ae kairiia aomata aika bati bwa a na karuanikaia maiuia, ibukin rairan ao tibwatibwaan te Baibara?
6. Te boki ibukia aomata nako
Te Baibara bon te kabanea ni mwaiti katotona n rairaki ao n tibwatibwaaki. Wareka Mwakuri 10:34, 35, ao maroroakin titiraki aikai:
E aera te Atua ngkai e tangiria bwa e na korakora rairan ao tibwatibwaan ana Taeka?
Tera ae anaaki iai nanom ibukin te Baibara?
E kaania
100%
mwaitiia kaain te aonnaba
aika iai aia Baibara n te taetae ae a ota iai
E tauraoi n taetae aika riaon
3,000
mwaitiia
n ae bwanin ke iterana
5,000,000,000
Mwaitini katotona ae katautauaki,
ae mwaiti riki nakoni booki nako
A TAKU TABEMAN: “Te Baibara bon te boki nikawai ae koreaki irouia aomata.”
Tera ngkoe am iango?
Tera te bwai ni kakoaua ae kaotia bwa te Baibara bon Ana Taeka te Atua?
KAKIMOTOTOANA
Te Baibara bon Ana Taeka te Atua, ao e taraia raoi bwa e na tauraoi ibukia aomata nako.
Kauring
Tera ae ti nanonna ngkana ti taekina ae e kairiia mwaane te Atua rinanon taamneina bwa a na korea te Baibara?
Tera ae anaaki iai nanom ni kaineti ma kawakinan te Baibara, te rairai, ao tibwatibwaana?
Tera am namakin, n ataakin ae e a tia te Atua ni karaoa ae bati bwa e aonga n reitaki iai ma ngkoe?
NORI NABA AIKAI
Wareka rongorongon te Baibara, ni moa mani koreana n taian nira ni boki n uaa rairana n taai aikai.
Nora aron teimatoan te Baibara n aki ongei waaki aika tenua ake e kataaki ni kamaunaaki iai.
“Te Baibara—E Kawakinaki Raoi” (Te Taua-n-Tantani Na. 4 2016)
Nori baika a karaoi aomata ni karuanikaiia iai ibukin rairan te Baibara.
E a tia ni kaeweweaki ao n rairaki te Baibara n taai aika bati. Ko na kangaa ni koaua bwa te rongorongo ae iai, e bon aki bitaki?
“E a Tia ni Bitaki te Baibara ke ni Kamangaoaki Kanoana?” (Te kaongora n jw.org)