Karekea Reireiam Man te Taamnei

A onrake ara boki n taian taamnei aika reireinira reirei aika kakawaki. Ko na kangaa ni karekea reireiam ae bati man taamnei aikai?

• Tarai taamnei imwaini warekan te kaongora. A kona taamnei aikai ni kaingaingako ao ni kairiko bwa ko na wareka te kaongora. N aron ae ngkana ko taraa te amwarake ae kangkang ko a boni kani kanna naba. Ngaia are titirakiniko aei, ‘Tera ae I noria?’​—Amota 7:​7, 8.

• Ngkana ko wareka te kaongora, iaiangoia bwa bukin tera ngke e rineaki te taamnei anne. Wareki taekan taamnei ke kabwarabwaraaia ngkana iai. Iangoa aron irekereken te taamnei ma te reirei ae kabwarabwaraaki ao irekerekena naba ma maium.

• Imwini warekan te kaongora, kabonganai taamnei ni kauringi iai reirei aika kakawaki n te kaongora anne. Kamaki matam ao kataia ni kauringi taamnei akanne n am iango ao baika ko reiakini mai iai.

• E aera ko aki kauringi taamnei n te maekatin aei ao n noria ngkana ko kona n uringi baika ko reiakini mai iai?