Izaias
12 Tea disa tum khorench oxem mhunnttolo:
“Jehova Deva, hanv tuzo khub upkari,
Tum mhojer ragar aslo khoro,
Punn sovkas-sovkas tuzo rag thondd zalo, ani tunvem mhaka bhuzvonn dili.
2 Polloi! Dev mhozo taronn diupi zaun asa.
Hanv tacher visvas dovortolom ani mhaka koslich bhirant aschina.
Karonn Jah,* Jehova mhojem boll ani mhoji xokti,
Ani to mhozo taronn diupi zala.”
3 Taronnachea zhorintlean
Tumi khuxalkaien udok kaddttole.
4 Tea disa tumi mhunnttole:
“Jehovache upkar attoiat, tachem nanv gheiat,
Veg-vegllea desantlea lokank tachea kamam vixim sangat!
Tachem nanv kitlem vortem asa tem kolloiat.
5 Jehovak vakhannʼnnechim* gitam gaiat, karonn tannem ojapachim kamam keleant.
Akʼkhe prithumer hea vixim kolloiat.
6 Sionant ravtoleamno,* khuxalkaien bob marun roddat,
Karonn tujea modem aslolo Izraelacho Povitr Dev vorto asa.”