Nahum

Voch, kilʼleanchi rakhonn kor,

Rosteacher nodor dovor.

 2 Karonn Jehova Jakobak tachi mhoima porot ditolo,

Toxench to Izraelak pasun tachi mhoima porot ditolo,

Karonn nas korpeamnim tancho nas kela,

Ani tanchea drakxanchea valinchea fantteanchem nisontton kelam.

 3 Tachea xoktivont munxanche ddhal tambddea rongache asat,

Tachea zhuzareanche kopdde samke tambddech* asat,

To zhuzachi toiari korta.

Tachea zhuzachea rothank asloleo lokhnnacheo vostu ujea bhaxen chokchoktat,

Ani tache zhuzari lakddache* bhale ghunvddaitat.*

 4 Zhuzachim rotham rosteancher abuz zaun hevtten-tevtten dhanvtat,

Nakeancher te hanga-thoim dhanvtat,

Te zollttea divtte* sarke chokchoktat ani zoglavnnea bhaxen porzollttat.

 5 To* aplea odhikareank apoitolo,

Te voitat toxe addkhollon poddttole,

Te begin-begin tichea vontti kodden voitole,

Ani addkholl ghaltole.

 6 Nhoim-enche darvontte ukte zatole,

Rajmahal kosllon poddttolem.*

 7 Hem formailam:* Ticho* gutt ukto zala,

Tika koidi korun vhelea, ani ticheo chakorni dukh kortat,

Tim aplim horddim* boddoun parveam sarkim roddttat.

 8 Nineve poilim thaun udkachea tollea sarkem aslem,

Punn atam lok tichea thaun pollon voitat.

“Ravat! Ravat!” oxem mhunnttlear pasun,

Konnuch fatti vollon polloina.

Theve kabaruch zainant,

Tantunt soglea torecheo moladik vostu bhorloleo asat.

Tanchim kallzam bhirantin pigollttat, tanchim dhompram thorthortat, tanchim bhenddam koddkoddttat,

Ani sogleanchea tonddar usko asa.

11 Xinvanchi dhol khoim asa, zoim tornatto xinv boson khatalo,

Zoim xinv aplea porank gheun bhonvtalo,

Zoim tankam konnachich bhirant nasli?

12 Xinv aplea poram pasot bhorpur xikar kortalo,

Xinvinnim* pasot zonvaranche golle pillttalo.

To apleo dholi xikar kelʼlea zonvaramnim

Ani pinzun uddoilʼlea zonvaramnim bhortalo.

Hanv tujim zhuzachim rotham zolloun tancho dhunvor kortolom,

Tolvar tujea tornattea xinvank khaun uddoitoli.

Hanv tuka prithumer anik xikar korunk diunchom na,

Ani tujea sondexkarancho avaz porot kednanch aikonk ieunchona.”