Izaias
11 Jesechea munda* thaun ek khando vaddttolo,
Ani tachea mullam thaun ek kombri futtʼttoli ji follam ditoli.
2 Tacher Jehovachi povitr xokti astoli,
Taka lagon, to zannvaiecho ani somjikaiecho astolo,
Boro solʼlo diupi ani xoktivont astolo,
Gineanan bhorlolo astolo ani Jehovachea bhirantin choltolo.
3 Jehovachi bhirant dovorlolean taka khuxalkai mellttoli.
Dolleank dista tea pormonnem to nit korchona,
Ani fokot kanamnim aikota tachea adarit sudhraichona.
4 To nitivontponnan* adar nasloleanchi nit kortolo,
Prithume voilea khaltea lokam pasot to dusreank promannikponnan sudhraitolo.
Aplea tonddachea danddean to prithumek martolo
Ani aple funken* to noxtteank marun uddoitolo.
5 To aplea komrak nitivontponnacho pottʼtto bandtolo,
Ani aplea bhenddak visvaxiponnacho pottʼtto bandtolo.
6 Kolo, menddrea sangata ravtolo,
Bibtto vag, bokddechea pora sangata add poddttolo,
Paddkulo, xinv* ani mottim-mottim zonvaram* sangata jietolim,*
Ani ek lhan bhurgo tankam vatt dakhoitolo.
7 Gai ani vanxel sangata chortolim,
Tanchim poram sangata nhidtolim,
Xinv boila bhaxen tonn khatolo.
8 Dudh pieta to bhurgo nagachea billa lagim khellttolo,
Dudh soddlolo bhurgo vikari sorpachea billant hat ghaltolo.
9 Mhojea akʼkhea povitr dongrar te konnankuch vaitt korchenant,
Vo konnanchench luksonn korchenant,
Karonn doria udkan bhorlolo asa,
Toxich prithum Jehovachea gineanan bhortoli.
10 Tea disa, Jesechem mull veg-vegllea desachea lokam pasot ek khunna* sarkem ubem zatolem.
Raxttram tachea lagim margdorxon gheunk ietolim,*
Ani tacho ravpacho zago mhoimebhorit zatolo.
11 Tea disa, Jehova porot ek pavtt aplo hat fuddem kaddttolo ani aplea lokank porot haddttolo. To tankam Asiria, Ejiptt, Pathros, Kush,* Elam, Shinar,* Hamath ani doriachea soglea zunveam thaun ektthaim kortolo. 12 To raxttram pasot khunna mhunn ek khambo ubo kortolo ani Izraelachea ximpoddlolea lokank ektthaim kortolo. Toxench, prithumechea charui konnxeam thaun Judachea ximpoddlolea lokank ektthaim kortolo.
13 Tednam Efraimachi nattkai kabar zatoli,
Ani Judachea dusmanancho nas zatolo.
Efraim porot Judachi nattkai korchona,
Ani Juda Efraima koddem dusmankai dovorchona.
14 Te ostome vatten Filistevkaranchea denvter* uddi martole,
Ani sangata mellon te Udentechea lokank luttʼttole.
Te Edom ani Moaba add aplo hat ubartole,*
Ani Amonitkar tanchea adhin zatole.
16 Izrael Ejiptta thaun bhair sorlolo tednam tannem tachea pasot ek mha-marg kelʼlo toso,
To aplea urlolea lokank Asirientlean bhair haddunk ek mha-marg toiar kortolo.