Korintkarank Poili Chitt

13 Hanv munxancheo ani devdutancheo bhaso uloitam, punn mhojea bhitor mog na zalear, hanv ttanv-ttanv kortolea ghantte bhaxen vo kinn-kinnttea kansallea* bhaxen zatolom. 2 Mhaka bhasaunni korpachem dennem mellʼllam, ani mhaka povitr guttachi somzonni ani soglem ginean asa, ani mhaka itlo bhavarth asa ki hanv dongrank hanga thaun thoim vhoronk xoktam,* punn mhojea bhitor mog na zalear, mhaka kainch valor na.* 3 Zor hanv mhoji sogli girestkai goribank jevnnak lagon ditam, ani mhoji boddai korunk mhoji kudd bolidan kortam, punn mhojea bhitor mog na zalear mhaka kainch faido zaunchona.

4 Mog pasiens dakhoita ani doia dakhoita. Mog nattkai korina, boddai marina, gorvan fulona, 5 vaitt* toren vagona, aploch faido polloina, ragan bhorona, aplea add kelʼlea chukincho* hixob dovorna. 6 To vaittponnak lagon khuxal zaina punn sotak lagon khuxal zata. 7 Mog sogleo vostu sosun gheta, soglea vostuncher visvas dovorta, soglea vostuncher bhorvonso dovorta, soglea vostumnim thir ravta.

8 Mog kednanch na zaunchona.* Punn bhasaunni korpachem dennem, dusreo bhaso uloupachem* dennem, vo ginean na zatolem. 9 Karonn amchea lagim asa tem ginean purnn na ani amchi bhasaunni pasun purnn na. 10 Punn jem purnn asa tem ietolem tednam, purnn na tem kabar zatolem. 11 Hanv bhurgo aslom tednam bhurgea bhaxen uloitalom, bhurgea bhaxen chintʼtalom, bhurgea bhaxen mhoji somzonni asli. Punn atam hanv vhoddlo zalam, taka lagon bhurgeaponnacheo vostu hanvem soddun dileat. 12 Karonn atam ami oslea harxeant polloitat zantunt sarkem disona, punn fuddem amkam soglem eka-meka mukhar aslolea bhaxen spoxtt distolem. Atam mhoje kodden purnn ginean na, punn tea vellar Dev zoso mhaka purnn toren vollkhota, toxench mhaka-i purnn* ginean astolem. 13 Atam heo tin vostu urtoleo: bhavarth, bhorvonso ani mog. Punn tantuntlo sogleant vhodd mhunnttlear mog.