Izaias

62 Hanv Siona pasot vogi ravchom na,

Ani Jeruzalema pasot vogi boson ravchom na,

Jea meren tachem nitivontponn porzollttolea uzvadda bhaxen chokchokna,

Ani tachem taronn chuddi* sarkem pettona, tea meren hanv vogi ravchom na.

 2 “O baile, raxttram tujem nitivontponn polloitolim,

Ani sogle raza tuji mhoima polloitole.

Tuka eka novea nanvan apoitole,

Jem nanv, svota Jehova tuka ditolo.

 3 Tum Jehovachea hatant ek sobit mukutt zatoli,

Tujea Devachea talttant* razacho munddaso* zatoli.

 4 Hea fuddem, tuka soddun dilʼli bail mhunn porot kednanch mhunnchenant,

Ani tujea desak porot kednanch osadd des mhunnchenant.

Punn tuka, Tich Mhozo Sontos Zaun Asa oxem mhunnttole,

Ani tujea desak, Kazar Zalʼli oxem mhunnttole.

Karonn tuka lagon Jehovak sontos bhogtolo,

Ani tuzo des kazar zalʼle porim astolo.

 5 Zoso ek tornatto eka ankvar cheddva lagim kazar zata,

Toxech tuje lok* tujea lagim kazar zatole.

Zoso ek novro aple vhoklek lagon sontosbhorit zata,

Tosoch tuzo Dev tuka lagon sontosbhorit zatolo.

Jehovachi vakhannʼnni kortoleamno,

Susegad bosom nakat,

 7 Ani jea meren to Jeruzalem ghott stapon korina,

Hoi, jea meren to akʼkhe prithumer tachi vakhannʼnni zaum-xi korina, tea meren taka suseg dinakat.”

“Hea fuddem, hanv kednanch tuzo dano dusmanank khaunk diunchom na,

Toxench pordexi tuzo novo drakxancho soro pieunchenant, zaka lagon tunvem khub vavr kelʼlo.

 9 Punn dano ektthaim kortat tech te khatole ani Jehovachi vakhannʼnni kortole,

Ani je drakxam punzaitat tech mhojea povitr angnnant drakxancho soro pietole.”

“Sionache dhuvek sang,

‘Polloi! Tujem taronn ieta.

Polloi! Dev aplea sangata inam gheun ieta,

Zo disvoddo to farik kortolo, to tachea mukhar asa.’”

12 Tankam Jehovan soddoilʼle, tache povitr lok oxem mhunnttole,

Ani tuka, Sodhlolem Xar, Soddun Diunk Naslolem Xar, oxem mhunnttole.