Devachi Khuxi Kitem?

Sobit bag zaunchi asa tea prithumer ami sasnank xantin ani khuxalkaien jielolim Devak zai!

‘Oxem zaunk xokta kai?’ mhunn tumi chintunk puro. Bible sangta, Devachem Raj hem korun dakhoitolem. Hea Rajea vixim ani Devachea udʼdhexa vixim soglea lokamnim zannam zaunchem, hich Devachi khuxi zaun asa.—Stotr 37:11, 29; Izaias 9:7.

Devak amchem borem zalolem zai.

Zoso ek boro bapui aplea bhurgeam pasot borem tench chinta, teach porim amchea sorginchea Bapak, ami sasnank khuxalkaien jielolim zai. (Izaias 48:17, 18) ‘Zo konn apli khuxi pallttolo, to sasnak togtolo’ mhunn Dev utor dita.—1 Juanv 2:17.

Devak ami tachea vatten cholʼlolim zai.

Bible sangta, amcho Rochnnar amkam “apleo vatto xikoitolo ani ami tachea vattamnim cholunk pavtoleanv.” (Izaias 2:2, 3) Tannem ‘aplea nanvam pasot ek porza’ vinchun kaddlea, ji tachi khuxi sonvsarbhor gazoitoli.—Itihas 15:14.

Devak ami ekvottan tachi bhokti keloli zai.

Jehovachi khori bhokti lokam modem futt ghalina, punn tankam khorea mogan ekvottaita. (Juanv 13:35) Aiz dadleank ani bailank ekvottan Devachi seva korunk konn xikoita? Hea prosnacho zobab he pustike vorvim sodhun kaddunk ami tumkam amontronn ditat.