Tumi Jehovachi Khuxi Purnn Kortolim?

Hea pustikecho obheas korun, tumi Jehovachea Sakxeam vixim, tanchea kamam vixim ani tanchea songottnne vixim zannam zaunk vell ghetlo mhunn tumche upkar. He pustike vorvim, ami Jehovachi khuxi kortat te lok mhunn vollkhonk tumkam modot zalea astoli mhunn ami somzotat. Ami tumkam Deva vixim ginean gheit ravonk, tumi xikleant tem tumchea familik toxench ixttank sangonk, ani amchea sangata sodanch mittingek hajir zaunk urba ditat.—Hebrevank 10:23-25.

Jehova vixim tumi xikot ravtat tednam, to tumcho kitlo mog korta tem tumi zannam zaunk pavtolim. Hea toren tachea pasot aslolo tumcho mog dakhounk tumkam anik urba mellttoli. (1 Juanv 4:8-10, 19) Punn tumi Jehovacho mog kortat mhunn tumchea sodanchea jivitant koxim dakhounk xoktat? Tache noitik dorje pallʼllear tumkam koso faido zata? Ani amchea sangata Devachi khuxi korunk tumkam kitem modot korunk xokta? Hea prosnanche zobab zannam zaunk tumcho Bible xikoupi tumkam modot kortolo. Hea toren, tuka ani tuje familik, ‘Devachea mogan ravon . . . sasnik jivitachi vatt pollounk’ modot zatoli.—Judas 21.