Melolim Khorench Portun Jietolim?

BIBLE HACHE VIXIM KITEM SANGTA

‘Melolim portun uttʼthelim.’—Itihas 24:15, Povitr Pustok.

HEM ZANNAM ZALʼLEAN TUKA KITEM MELLTTA

Mogache mortat tednam, buzvonn.—2 Korintkarank 1:3, 4.

Mornnachea bhirantin jieteleank suttka.—Hebrevank 2:15.

Melolim mogachim munxam tumkam portun melltolim mhunn khori axa.—Juanv 5:28, 29.

BIBLE KITEM SANGTA TEM AMI KHOREANINCH PATIEUNK ZATA?

Hoi, tin karonnank lagon:

• Dev jivitacho rochnnar. Bible Jehova Devak “jivitachi zhor” mhunnta. (Stotram 36:9; Itihas 17:24, 25) Soglleo jiveo vostu tannench rochleat dekhun taka, melloleank portun jivont korpachi xokti asa.

• Adlea kallar Devan melʼlea munxank jivont kelim. Melʼleank Devan sonvsarant portun jivont kelʼleo aatth ghoddnneo Bible-ant asat. Tantuntle thodde lok tornnatte, zanntte, daddle, ani bailo asleo. Thoddea melʼleank rokddech jivont kele, punn ekleak, moron char dis zalea uprant jivont kelo.—Juanv 11:39-44.

• Dev portun oxem korpak axeta. Jehova mornnacho dves korta; tache nodrent moronn ek dusman. (1 Korintkarank 15:26) Meloleank portun jivit diun, moronn kaddun uddounk, Dev axeta. Tachea ugddasant asat tankam heach sonvsaracher portun haddun, jivit diunk To axeta.—Job 14:14, 15.