Ami Poilim Vochon Amchea Bhava Lagim Koxi Xanti Korunk Zata?

Chint, tum Jezuchea kallar jieta ani Galileiant ravta. Tombuchi porob monovunk tum Jerusalemant gela. Akʼkhem xar, pois-pois xarantlean ailolea lokamnim bhorlam. Tuka Jehovak ek bokddi bhettounk zai. Tea bokddek tum lokam modlean oddit-oddit dev-mondira kodden vhorta. Thoim polloilear akʼkhem dev-mondir, ap-apli bhettounni gheun ailolea lokamnim bhorlam. Xevottak, iadnikak bhettounni diuncho tuzo vell pavlo. Teach vellar, tea zomeant vo xarant aslolea tujea bhavak, tujea add kitem tori asa mhunn tuka ugddas ieta. Tednam, tunvem kitem korunk zai tem Jezu sangta. (Matev 5:24 vachat.) Jezun sanglolem toxem, tunvem ani tujea add aslolea bhavan, eka-meka lagim xanti koxi korunk zata? Sokol dilʼlea zobabantlo khoincho zobab sarko dista tem mak kor.

TUKA . . .

• tujea bhavak, tujer ragar zaunk karonn asa oxem dista zalearuch tachea lagim tunvem ulounk zai

• tujea bhavan kitem ghoddlem tem rokddench kallzak lavun ghetlem oxem dista zalear vo to apli chuk manun ghena punn tukach guneanvkari korta zalear, tunvem taka somzauncho proitn korunk zai

• tuzo bhav kitem sangta tem somzona zalear pasun, to uloita tem pasiensan aikonk zata ani tachem kalliz dukhoilem mhunn vo tujea vagnnukecho tacher porinnam poddlo mhunn tachea lagim chuk magonk zai

TUJEA BHAVAN . . .

• tunvem kitem chuk kelea ti vochon sobhentlea vhoddilank sangon tanchi modot gheunk zai

• tuka vaitt uloun, tujeo barik-barik chuki kaddun, teo tunvem manun ghetloleo taka zai

• tum khaltikaien ani dhiran tache-xim ulounk ailo mhunn tuka kallzant thaun bogsunk zai

Aiz ami amchea bhoktent zonvaram bhettoinant. Punn, amchi bhokti Devak manvotoli zalear ami amchea bhava sangata xanten ravonk zai hem Jezun koxem dakhoilem?