“Zagrut Ravat”

25:1-12

Jezun sangloli dha ankvareanchi vopar obhixikt Kristanvam vixim asli. Toripunn, tea voparentlim lisanvam dor eka Kristanvak lagu zatat. (w15-E 3/15 12-16) Jezun mhunnttlem, “zagrut ravat, kiteak dis, nhoi mhonn ghoddi, tumi nokllot.” (Mt. 25:13) Tannem sanglolea dha ankvarinchea voparecho orth tumi sangonk xoktat?

• Novro (vers 1)—Jezu

• Toiar asloleo xanneo ankvareo (vers 2)—Obhixikt Kristanvam jim apleak dilʼlem kam visvaxiponnim korunk toiar asat ani xevott porian jhigjhigtea noketram porim porzollttat (Filp. 2:15)

• Avaz zalo: “Ho polle novro!” (vers 6)—Jezuchea ienneacho puravo

• Pisatt ankvareo (vers 8)—Obhixikt Kristanvam jim Novreak ieukar diunk bhair sortat punn zagrut ravonant ani aplem promannikponn xevott porian samballnant

• Xannea ankvareamnim aplea lagim aslolem tel diunk nakarlem (vers 9)—Nimanno xikʼko marlea uprant vo Jehovachi maniotai mellʼllea uprant visvaxi obhixikt Kristanvank, ovisvaxi zalʼlea obhixiktank modot korunk vell mellcho na

• “Novro pavlo” (vers 10)—Vhodd sontap somponk pavta tednam Jezu zhoddtti korunk ieta

• Xanneo ankvareo novrea borabor lognachea vosreant bhitor geleo ani dar bond kelem (vers 10)—Jezu visvaxi obhixikt Kristanvank sorgar ektthaim korta, punn ovisvaxi obhixikt Kristanv sorgar vochpacho aplo inam hogddaitat