Examining the Scriptures Daily Hantuntlean Tumi Faido Zoddun Ghetat Kai?

Tuka dor disak Examining the Scriptures Daily hantunt aslolem Bible vers ani tache adarit asloli mahiti vachpachi sonvoim asa kai? Na zalear, osli ek sonvoim tumi korunk xoktat kai? Zaitim zannam hem sokallim fantear vachtat. Oxem kelolean tim aplea disachea kamamnim buddlolim astat tednam tantuntlea vixoi-acher tankam niallunk boreak poddtta. (Josh. 1:8; St. 119:97) Disachea Bible versa thaun tunvem anik koso faido kaddunk zata? Tea versachi bariksannechi mahiti melloun gheunk tea versachi bhonvtonnchim versam vachat. Tea versant aslolem totv ugddasak haddtta toslea eka Bible-antlea ghoddnne vixim tumi niall korunk zata. Magir, tem totv tumchea jivitant apnnaiat. Tum Devachea Utrachea adarit nirnnoi gheunk lagta tednam, Devachem Utor tuka jivitant vatt dakhoitolem ani khorench faideak poddttolem.—St. 119:105.

Sonvsarbhor asloli Bethel famil aple sokallche chaie vellar Examining the Scriptures Daily, hacher bhasabhas korun niallttat. Halinchea vorsamnim, hea bhasabhasam modleo zaiteo kariavolli JW Broadcasting^® hacher PROGRAMS AND EVENTS hea vorg-ant ghatleat. Tunvem tantuntli kariavoll nimanni kednam polloiloli? Tantunt ghoddie tuka zai aslolich mahiti asonk puro. Udharonnak, tum nirnnoi gheta tednam Lotachea jivitant ghoddlem tachea thaun kitem xikta?

SONVSARACHO MOG KORINAKAT (1JU. 2:15), HO VIDDEO POLLOIAT ANI UPRANT SOKOL DILOLEA PROSNANCHE ZOBAB DIAT:

• Hi Sokallchea Bhoktechi kariavoll khoinchea Bible totvacher adarit asli?

• Lotachea ghoddnne thaun sonvsaracho vo tantuntlea vostuncho mog kelolean koslo dokho asa tem koxem kolltta?—Ut. 13:12; 14:12; 19:3, 12, 13, 24-26

• Ami hea sonvsaracho vo tantuntlea vostuncho nhoi punn Jehovacho mog kortat mhunn koxim dakhoitolim?