Tumche Ixtt Xanneponnan Vichun Kaddat

Moabachea unch moidanar Israelitkaram sangata jem ghoddlem tantuntlean amkam ek lisanv xikonk melltta. (1Kor. 10:6, 8, 11) Israelache thodde dadle Moabachea ostoream sangata ixttagot korunk lagle. Heo Moabit bailo murti puza ani pozddim kamam kortaleo. Israelache dadle hea ostoreanchea fasant poddle ani tannim patok kelem. Taka lagon Israelitkarancher sonkoxtt aile. (Lok. 25:9) Amchea sangata kam kortat tim, xiktat tim, vo amchim xezarim ani soirim Jehovachi bhokti korinant astolim. Tor, oslea lokam sangata ixttagot kelear Israelitkaram bhaxen ami-i trasant poddonk xoktat.

ISRAELITKARANCHEO GHODDNNEO AMCHEA PASOT EK XITTKAUNNI—HACHO THODDO BHAG, HO VIDDEO POLLOIAT ANI SOKOL DILOLEA PROSNANCHE ZOBAB DIAT:

• 

  Zimri ani her dadleamnim Jamin-ak kosleo khobro sangon taka fosouncho proitn kelo?

• 

  Finehas-an Jamin-ak kitem sangon modot keli?

• Eka onbhavarthi munxa lagim ixttagot korop ani tache lagim bore bhaxen vagop hantunt kitem ontor asa?

• Sobhent pasun ami xanneponnan ixtt kiteak vichunk zai?

• Ami vollkhonant tosle munis social media vo chat grup-acher asat zalear ami tantunt kiteak asonk zaina?