AMCHEM KRISTI JIVIT
Tornnatteamno—Tumchea Avoi-Bapai Lagim Ukteponnim Uloiat
Tumchea kallzant kitem asa tem tumi tumchea avoi-bapaik kiteak sangonk zai? (Mho. 23:26) Karonn Jehovan tumchea avoi-bapaik tumchi kallji gheunk ani tumkam borem margdorxon diunk zobabdari dilea. (St. 127:3, 4) Toxench, tanchea lagim chodd onubhov aslolean tumi tanchea thaun xikonk zata. Tumi tumche uske-khonti tankam sangonant zalear tim tumkam modot korunk xokchimnant. Toxem zalear, tumi tumchim soglim chintnam tankam sangonkuch zai kai? Na. Punn tumchea avoi-bapai thaun koslich gorjechi mahiti lipoinakat vo tankam fottoinakat.—Mho. 3:32.
Tor tumi tumchea avoi-bapai lagim koxem ulounk zata? Tumkam ani tumchea avoi-bapaik bore toren ulounk melltta toslo ek vell vinchun kaddun tanchea lagim uloiat. Punn tanchea lagim ulounk tumkam kotthin zata zalear, tumi ek chitt boroun tumchim bhavnam tankam sangonk zatat. Tumkam avoddna toslea vixoi-acher tim ulounk sodhtat tednam kitem? Tim tumkam modot korunk sodhtat mhunn ugddas dovrat ani tankam tumche dusman nhoi punn ixtt mhunn lekhat. Tor hea bhaxen, tumi ukteponnim tumchea avoi-bapai lagim uloilim zalear tumkam atam ani fuddarak, mhunnche sasnachea jivitak faideak poddttolem!—Mho. 4:10-12.
MHOJEM TORNNATTPONN—MHOJEA AVOI-BAPAI LAGIM HANVEM KOXEM ULOUNCHEM? HO VIDEO POLLOIAT ANI UPRANT HEA PROSNANCHE ZOBAB DIAT:
Esther ani Partik-ak aplea vixim kitem kollon ailem?
Jezuchea udharonnantlean tumi kitem xikonk zata?
Tumchea avoi-bapaik tumchi kallji asa mhunn tannim koxem dakhoilam?
Tumi jivitant khuxal aslolim tumchea avoi-bapaik zai
Tumchea avoi-bapai lagim ulounk Bible-antlim khoinchim totvam tumkam modot korunk xoktat?