ABRIL 1-7
STOTRAM 23-25
Git 4 ani Magnnem | Survatechim Utram (1 min.)
1. “Sorvespor Mhozo Gonvlli”
(10 min.)
Jehova amkam vatt dakhoita ( St. 23:1-3; w11-E 5/1 31 ¶3)
Jehova amkam rakhta (St. 23:4; w11-E 5/1 31 ¶4)
Jehova amkam margdorxon dita (St. 23:5; w11-E 5/1 31 ¶5)
Zoso ek mogall gonvlli aplea xellianchi kallji gheta, toso Jehova aplea sevokanchi kallji gheta.
TUMKANCH VICHARAT, ‘Jehovan mhoji kallji koxi ghetlea?’
2. Bible-antlim Motiam
(10 min.)
St. 23:3—‘Nitt marog’ mhunnttlear kitem, ani tea margar thaun koddsorna zaunk amkam koxi modot zatoli? (w11 2/15 24 ¶1-3)
Hea sumanantlea Bible vachpantlean tumi koslim motiam sangonk sodhtat?
3. Bible Vachop
(4 min.) St. 23:1–24:10 (th obheas 5)
4. Ulovop Suru Korop
(3 min.) SONDHI MELLTTA TEDNAM PORGOTTNNI. Vatavoronna vixim apleak usko asa mhunn sangpi eka aiknnareak urba dita toslem Bible-antlem ek vers dakhoi. (lmd odheai 2 mudʼdo 5)
5. Porot Bhett Korop
(4 min.) GHOR-GHORAMNIM. Sasnak Khuxalkaien Jieiat! pustika ghetlolea eka aiknnareak Bible obheas koso zata tem dakhoi. (lmd odheai 9 mudʼdo 3)
6. Xis Korop
(5 min.) lff odheai 14 mudʼdo 4 (lmd odheai 11 mudʼdo 3)
Git 54
7. Ami Onvollkhi Munxancho Avaz Nakartat
(15 min.) Bhasabhas.
Menddram aplea gonvlliacho avaz ekdom bore bhaxen vollkhotat ani tacho pattlav kortat. Punn konnui onvollkhi munis tankam ulo korta tednam tim thoinchean dhanv martat. (Ju. 10:5) Heach bhaxen, amche mogall ani patieupa sarke Gonvlli Jehova ani Jezucho avaz ami aikotat. (St. 23:1; Ju. 10:11) Punn konnui onvollkhi ‘fosoita toslim utram uloun’ amcho bhavarth oskot korunk proitn korta tednam, ami tancho avaz nakartat.—2Ped. 2:1, 3.
Utpoti odheai 3-ant, poile pavtti ek onvollkhi uloilo tea vixim sangla. To mhunnttlear, Soitan. Tannem Eve thaun apli khori vollokh lipoili ani tika fosoili. To tichem borem chintʼta oxem dakhoun, tannem Jehova vixim tika sogleo fotti sangleo. Ani dukhachem mhunnttlear, Even tachem aikolem. Hea pasot ticher, toxench tichea sonsticher dukh-tras aile.
Aiz pasun Soitan, Jehova ani tache songottnne vixim vaitt khobro, ordim sotam ani fotti sangon amchea monant dubhav ghalunk sodhta. Hem soglem ami nakarunk zai. Punn tantunt kitem asa mhunn thoddem-xem pasun ami zannam zaunk gelim zalear ami trasant poddttolim. Ugddas dovrat, Soitanan thoddinch utram uzar korun Evek fosoili. (Ut. 3:1, 4, 5) Atam chintat, tumcho mog korta to konnui tumchem borem chintun, songottnne vixim tumchea lagim kitem-i vaitt ulounk sodhta zalear tumi kitem kortolim?
VIDEO dakhoi: “Onvollkhi Munxacho Avaz” Nakarat. Uprant ho prosn vichar:
Sakxi nasloli Daisy-chi avoi taka Jehovache songottnne vixim kitem tori vaitt sangonk sodhtali tednam, Daisy-n jem kitem kelem tantuntlean ami kitem xiktat?
8. Sobhecho Bible Obheas
(30 min.) bt odh. 8 ¶1-4, p. 61-62-acher aslolim boksam