Jehovache Sakxi Kristanv kai?

Hoi. Sokol dilolea karonnank lagon amkam Kristanv mhunnonk zata.

• Ami Jezu Kristachi xikounn appnnaun, tache dekhi pormonnem cholpacho proitn kortat.—1 Pedru 2:21.

• Jezuch amkam salvar korunk xokta mhunn ami patietat. “Amkam soddvonn diunk xokta toslem anink dusrem nanv mollba khala Devan monxank diunk na.”—Itihas 4:12.

• Eklo Jehovacho Sakxi zata tedna, taka Jezu Kristachea nanvan bautizm ditat.—Matev 28:18, 19.

• Ami amchim magnnim Jezuchea nanvan bhettoitat.—Juanv 15:16.

• Jezu soglea munxancho mostok mhunnche sogleancher taka odhikar dila mhunn ami patietat.—1 Korintkarank 11:3.

Punn Jehovache Sakxi sonvsarantlea her Kristanvam poros zaitea ritinim veglle asat. Udharonnak, her dhormacho lok Bap, Put ani Povitr Atmo ek mhunn patietat punn Jehovache Sakxi toxem patienant. Karonn Bible, Bap ekloch Sorvespor mhunn xikoita. (Mark 12:29) Melea uprant munxacho otmo jivo urta ani Dev meloleank ujeant lasoita mhunn te patietat punn ami hem patienant karonn Bible-ant oxem kainch boroilolem na. Dusrea dhormant, fuddari apunn heram poros vhodd mhunn somzotat, tankam heramnim omkeach nanvan ulo kelolo zai asta punn Jehovachea Sakxeam modem toxem na.—Upodexok 9:5; Ezekiel 18:4; Matev 23:8-10.