Bhag 9
“Nimanea Disani” Ami Rautat Munon Coxem Gomon Eta
1, 2. Ami xevotachea disanim asão tôr coxem gomtelem?
MUNXANCHEA razvotkechea sodheachea poristitint Devachea Razvotken hat ghalpachea disanim ami rautão, munon amcam khatren coxem colta? Soglem vaxt ani côxt Devan xevôt corchea disank ami bharim lagim rautao munon coxem gomta?
2 Teo vostu Jesuchea xinsank zanam zaunk zai asleleo. Tanim taka vincharlem. “Ti Khunn” Tachi razvôtki odhikarar eunchea vellar “sounsarachea poristiticho xevôt.” (Matev 24:3) Barik khôbor diun Jesun zabab dilo: Sounsar haloupacheo ghôdneo ani poristiti ektaim zatoli dacoupak munxacull “xevotachea disanim,” “xevotachea callar” rauta munon soglea vostuncho orth. (Daniel 11:40; 2 Timotak 3:1) Hea xekdeant ami ti ektaim zaloli khunn pollounk nam kai? Oi, pôilea ani chodxi pôilea!
Sounsarik Zuzam
3, 4. Hea xekdeantulim zuzam Jesuchea bhovix vadhak côxim sarkim bostat?
3 Jesun adinch sangon dovorla que “Raxtr rastracher ani razvotkeo razvotkeancher uprasteleo.” (Matev 24:7) Ekonixem choudavea vorsak sounsar eka zuzant xamil zalo que tantunt rastram ani razvotkeanim zuzari ektaim kelole. Tachea poros adim zalolea zuzam poros tem veglem zaun aslem. Tea zuzachi vollok dita astanam, tea tempa voilo itihaskar munta Hod Zuz. Itihasant tem tacheach baxen tem zuz zaun aslem, poilem sousaric zuz. Khuinchach adim zalolea zuza poros bhov chod 20,000,000 soldad ani nagarik tantunt mele.
4 Poilea sousaric zuzan xevôtachea disanchi khun dacoili. Jesun sangloleo teo ani dusreo ghodneo zatoleo “Porsut Vinnecho Orombh.” (Matev 24:8) Hem khorem zalem dusrea maha zuzant chod lok mele sumar 50,000,000 zuzari ani nagarik. Hea 20 vea xekdeant 100,000,000 chod lok zuzant marle, adlea 400 vorsant marlolea poros 4 vanteanim chod! Munxanchea razvotkechi kitli ninda!
Dusre Purave
5-7. Ami xevôtachea disanim rautat munon anink thodeo côsleo khuna asat?
5 Xevotachea disam sangatak anink godtolea ghodneank lagon Jesun sanglam: “Eka zaguar thaun dusrea zaguar hod bhuinkamp zatole Pest [pidechi santh] ani zevnam khanacho dukoll.” (Lucas 21:11) Ekonixem choudavea vorsa thaun ghodlolea ghodneank tem sarkem bosta, zednam oslea odruxtank lagon ailolem duk chod zalam.
6 Hod bhuimkamp sodancheoch ghodneo zaleat. Tantun zaite ziv vetat. Poilem maha zuz bond zatoch rocdich Spenish zori aili. Tantun sumar 20,000,000 lôk melo—thode ondaz côrtat 30,000,000 voir. AIDS hea rogan xemborani hozar ziv ghetle ani fudarak laginch millionani chod ghetolo. Calzachea piden, cancr, ani dusrea piden dor vorsak millionani lok mortat. Bhukechea susegad mornan millionani chod mortat. Dubav viret, ‘Apocalypsache ghodeancher boslole munis’ tanchea zuzam, ducoll, ani pidecho voso, munxacullachea chod zanank 1914 vorsa thaun marta.—Prokasnni 6:3-8.
7 Jesun sanglolem tench kirmichi vadavoll soglea nassanvani bhogli “Odhorm chodlolea vorvim chod lokacho mog thond zatolo.”—Matev 24:12.
8. Dusro Timotak Avessor 3 bhovix vadh amchea disank coso sarko bosta?
8 Toxench Bibliachea bhovixvadant sanglolea porim nitivontpon cosoltolem. Tem aiz sounsarbor disti podta. “Xevotachea disani, sonsunk zaina toslo marekar call etolo: Munis zatele ap-apnachoch mog cortat tosle, apsuarti, mijaxi, gorvi, devnindok, avoibapaik atponant tosle, onupkari, noxte, moipas naslole, boglanti, nixkolonkpon naslole, nixtur, bholepon naslole, ghatki, loz-bhida naslole, bodaen bhorlole, Deva poros kudichea khoxecho mog korpi, xastrachem bhailem rup raktat pun tachem boll sotmandinant tantle . . . pun te khote ani bhuloupi munis vaxta thaun chod vaxtak pavtele.” (2 Timotak 3:1-13) Amchea dolleam fudem hem soglem ghodlem.
Anink Eok Puravo
9. Sounsarachea xevôtachea disanchi suruvatek sangôd ghalun sorgar anink eok kitem ghodlem?
9 Hea xekdeant hod duk evunk dusrem pasun eok caran zababdar asa. Munxachullak trasant vodoupachi eok vost 1914 vorsa, xevotachea disanchea suruvatek sangod ghalun zali. Tacho bhovixvad Bibliachea xevotachea bookant bhovixvad boroillea pormone tea vellar “Sorgar zuz petlem: Michael [sorginchea odhikarar aslolo Christ] ani tache ãinz sorpentixim [Soitan] ani tachea sangateam [deunchar] lagim zuzle. Pun te ziconk nam, ani tankam sorgar suvat pasun uronk nam. Tea pasot adlea sorpak, hod harak, Deuncharak ani Soitanank lottun khala udoilo zo akkea sounsarachea lokak fottoita. Taka pirthumir udoila ani tachea deuncharank pasun tachea sangatak udoila.”—Prokasnni 12:7-9.
10, 11. Soitanank ani tachea deuncharank lôttun khala sounsarar vodoile decun munxa cullacher kitem porinam zalo?
10 Munxacullak kitem porinam mevlo? Bhovixvad fudem sangta: “Sounsarak ani somdirak côxt. Karan Soitan tumchexim chôd ragist zaun aila. Kiteak tacho thodoch teomp urla munon to zanam.” Oi, Soitan zanam tachea sounsaracho xevot lagim pavla. Tea pasot taka ani tachea sounsarak porro côrchea adim to zata titlea munxank Deva thaun pois vorunk vavorta. (Prokasnni 12:12; 20:1-3) Eka atmik rochnen sotontr khôxecho vaxt upeg kelo hem kitlem uneponachem zaun asa! Tachea hata khala sounsarak kitli vaxt poristiti bhogchi podli chod corun 1914 vorsa thaun!
11 Dubav viret Jesun amchea disank lagon sangon dovorla: “Sounsaracher nassãocho gondoll khuinchan voichem ti vatt tankam gomchi nam . . . munis fit eun podtole.”—Lucas 21:25, 26.
Munxanchea Ani Soitanchea Razvôtkecho Xevôt Lagim Pavla
12. Hea sounsaracho xevôt zaunchea adim ghodonk urleat tea bhovix vadhantulo khuincho eok ghodonk asa?
12 Devan hea khottea poristiticho xêvot corchea adim Bibliache kitle bhovixvadh xarti pavunk urleat? Bharim thode! Ek xevotacho 1 Tesalonikkarank 5:3 zo sangta: “Zednam te sovoskaek ani racônek lagon ulôitole, tednanch zott côrun nisonton tancher etelem.” (The New English Bible) Hem dacôun dita que hea sounsarachea xevôtak suruvat zatoli “Zednam te toxem uloitat tednam.” Sounsaran kednanch deconk nam, chintunk nam, toslem nisonton etelem, zednam munxanchi chint sovoscai ani racônn hea bhorvonxacher bosteli.
13, 14. Koslo coxtancho vell Jesun sangun dovorla ani tacho xevôt koso zatolo?
13 Soitanachea hata khala asa tea sounsaracho vell dhanvont asa. Veginch tachea xevotak to etolo, tednam vell astolo coxtancho zo Jesun sanglolo: “Eok hod odruxt hea sounsaracher etelem toslem sounsarachea orômbak thaun eunk nam ani eunchem nam.”—Matev 24:21.
14 Devachem Armageddon Zuz munche “hôd sonkoxt” sounsaracho xevôt. To vell Danielan uloila, zednam “Dev hea soglea razvôtkeank cordun pitto cortolo.” Toxem munche atam asat tea Deva thaun sotontr aslolea soglea razvotkeancho xevôt. Devachi razvotki sorgar thaun munxanchea soglea karbharancher odhikar gheteli. Danielan sangon dôvorlam anink kednanch “khuinchach munxank” razvotki choloupacho ôdhikar meuncho nam.—Daniel 2:44; Prokasnni 16:14-16.
15. Soitanachea ani tachea deuncharanchea odhikarak kitem zatelem?
15 Tea vellar soglem Soitanachem ani deuncharanchem boll bondh zatelem. Dev tea bondd corpi atmik rochnenk nanch corun vodoitolo que tanchean “Raxtrank ani nadunk zaunchem nam.” (Prokasnni 12:9; 20:1-3) Tankam mornanchem formonn marla ani te nisontonachi vatt raktat. Tamchea vaxt chopkea thaun sutavem zaop munche munxacullak kitli bori sutka!
Côn vanchun Urtele? Ani Côn urche Nant?
16-18. Hea sounsarachea xevotak côn vanchun urtele ani côn vanchun urche nant?
16 Zednam hea sounsarak Devachi justis zateli tednam côn vanchtole? Ani côn vanche nant? Bible dacoita que zankam Devachem raz zai tankam Devachi racôn mevteli ani te vanchtele. Zankam Devachem raz naka tanchi racônn zaunchi nam pun Soitanachea sounsara sangatak nisonton zatele.
17 Mhonnʼnneo 2:21, 22 Munta: “Ze nitivont [ze Devachea Razvotkek khalti zatat] asat te bhuincher zientele, ani gunyanv naslole tantunt urtele. Ze khotte [Devachea Razvotkek khalti zainant te] tankam Dev hea pirthumi thaun katrun vodoitolo ani ghatki asat tankam pinzun odoitolo.”
18 Stotram 37:10, 11 pasun munta: “Thodeach vella modem khotte nanch zatole . . . Pun sosnikaechea lokak hi pirthum meuteli ani sovoskaecho sôntos te zaito bhogtele.” Verse 29 munta: “Nitivônt munxank pirthum meuteli ani te sodanch tantun rautele.”
19. Cosli bôri budh ami calzant dovorunk zai?
19 Stotram 37:34 sangloli bori budh ami calzant dovorunk zai. Tantun sangta: “Jehovah-cher visvas dovorat ani tachi vatt dhorat to tumcam hea pirthumichi poss ditolo. Khotteamk martolo tem tumi polloitele.” Verse 37 ani 38 sangta: “Gunyanv naslolea munxak choi, nitivontacher nodor mar, kiteak tancho fudar sovoskaecho zatolo. Pun ghatki munxank khatren nisonton cortolo. Khottea munxancho fudar khatren catrun vodoitolo.”
20. Ami rautat to call kodkodo suntpacho munon kiteak amchean sangom eta?
20 Dev Khorench amchi calzi gheta hem zanam zaunk kitlem ghotaechem ani ginyanachem zaun asa! Laginch vaxta ponacho ani coxtancho xevot cortolo. Te ojapanche bhovixvadh langinch xarti pavtole hem zanam zaunk kitlem amchem calliz sontos pavta!
[Pan 20-acher aslolo vixoi]
“Ti khunn” xevotachea disancheo tancheo ghodneo Bibliant adinch sangon dovorleat
[Pan 22-acher aslolo vixoi]
Laginch Armageddonant ze lok Devachea Razvotkek khalti zainant tankam Dev catrun vodoitolo. Ze lok khalti zatat te novea nitivont sounsarant vachun urtele