Vhodd Buddtechi Xiddkavnni—Konnem Aikoli? Konnem Aikunk Nam?

Noahchea kallar chodd zannamnim vaitt tem kelem. Utpoti 6:5

Adanv ani Evek bhurgim zolmolim ani sonvsaracher lok vaddlo. Thoddo kall sorlea uprant, thoddea ainzanim Soitanachea virodhak sangat dilo.

Sonvsaracher ieun tannim bailam lagim logn zanvche khatir munxanchi kudd ghetli. Tea bailamnim munxea soimba vorte put zolmank haddle, je darunn ani bollixtt asle.

Sonvsar vaittponn kortolea munxamnim bhorlo. Bible sangta: “Prithumer monʼxachem khotteponn chodd vaddlam mhonn ani dis-rat tachea monant vaittoveo ievzonneo golltat mhonn Sorvesporan pollelem.”

Noahn, Devachem aikun ark-pett banddli. Utpoti 6:13, 14, 18, 19, 22

Noah ek boro munis aslo. Jehovahn Noahk sanglem ki Apunn ek vhodd buddti haddun khottea lokancho nas kortolom.

Devan Noahk, ek vhodd tarum banddunk sanglem, zaka ark-pett mhunntat ani tantunt tachea kuttumbak ani sobar torechea zonvarank bhitor gheunk sanglem.

Noahn ieunche Buddte vixim lokank xiddkaile punn tannim tachem aikunk nam. Thoddeanim Noahcheo moskoreo keleo; heranim tacho dves kelo.

Ark-pett banddun zalea uprant, Noahn zonvarank bhitor ghetlim.