Bhag 8

Jezuchea Mornnacho Tuka Kitem Faido Asa?

Amkam jivit diunk Jezu melo. Juanv 3:16

Bailo Jezu aslolo tea somadixim Jezu asa

Jezu melea uprant tin disanim, thoddeo bailo somadhixim aileo punn tankam ti khali asloli mellʼli. Jehovahn Jezuk melʼleantlo jivont kelʼlo.

Jezu aplea apostlank dixtti poddtta ani magir sorgar voita

Tea uprant, Jezu aplea xisank dixtti poddlo.

Hoi, Jehovahn Jezuk ek bollvont, omor atmik rupan punorjivont kelo. Jezuchea xisanim taka sorgar voitana pollelo.

Devan Jezuk punorjivont kelo ani taka Devachea Rajeacho Raza kela. Daniel 7:13, 14

Sorginchea xinvasonar thaun, Jezu sobit bhag zal’lea prithumer razvottki choloita

Munxanche soddvonne khatir Jezun aplea jivitachi bolli keli. (Matev 20:28) Te soddvonne udexim, Devan amkam sasnnak jieunk favo kelam.

Jehovahn Jezuk prithumicher razvottki cholounk Raza nemla. Prithumevelim 1,44,000 visvaxi munxam punorjivont zaun sorgar tachea borobor atmik jivit bhogtelim. Jezu ani 1,44,000 mellon ek nitivont sorgincho serkar ghoddtelim—Devachem Raj.—Prokasovnni 14:1-3.

Devachem Raj hi prithum bhuimkutt korteli. Zhuz, oprad ani bhuk kedinch aschinam. Lok khoreponnim khuxal astolo.—Stotram 145:16.