Kuttumbik Jivit Koxem Sukhi Korum Ieta?

BIBLE HACHE VIXIM KITEM SANGTA

‘Devachem utor aikotat ani samballtat tim odik khuxal!’—Luk 11:28, Povitr Pustok.

TACHE UDHEXIM TUMKAM KITEM MELLTOLEM

Khoro mog.—Efezkarank 5:28, 29.

Khoro man.—Efezkarank 5:33.

Khori ekvottkai.—Marku 10:6-9.

BIBLE KITEM SANGTA TEM AMI KHOREANINCH PATIEUNK ZATA?

Hoi, don karonnank lagon:

• Dev kuttumbik jivitacho ghoddnnar. Bible sangta, Jehova Dev “sogllea torechea ghoranneacho . . . oromb”. (Efezkarank 3:14, 15) Dusrea utramnim mhunnttlear, kuttumbachi manddavoll Jehovan ghoddoun haddlea. Hem mhotvachem kiteak?

  Bariksannin chint: Tum ek borem ruchichem jevonn jevtai, ani tuka zannam zaunk zai tan­tunt kitem asa tem. Tujean konnank vincharunk zata? Konnem randlam taka, nhoi?

  Tech bhaxen, kuttumb sukhi koso korum ieta, tem zannam zaunk, ami Jehova Devachea utrant pollounk zai, karonn Toch zaun asa kuttumbacho ghoddnnar.—Utpoti 2:18-24.

• Dev tumchi kallji gheta. Jehova Bible-a vorvim kitem sangonk sodta tem kuttumbamnim zannam zaunk kiteak gorjechem? Karonn “taka tumchi kallji asa.” (1 Pedru 5:6, 7) Jehova amkam borem tench xinkoita ani tachi budh sodanch faideachi!—Mhonnʼnneo 3:5, 6; Izaias 48:17, 18.