Obheas 1

Faideak Poddtta Toslim Survatechim Utram

D.I. 17:22

KITEM KORCHEM: Survatechea utramnim aiknnareank tuzo vixoi kolloi, tea vixim tanchi hurba vaddoi, ani tannim to vixoi kiteak aikonk zai tem dakhoi.

HEM KOXEM KORCHEM:

Hurba vaddoi. Ek prosn, sangnni, jivitantli ghoddni, vo somachar potrantli ek khobor vinchun kadd, jea vixim aiknnareank zannam zaunk khuxi astoli.

Aiknnareank kitem avoddtta ani kitea vixim usko asa tacher adim-fuddench chint di. Ani tea pormonnem uloi.
Tuzo vixoi kolloi. Tujea survatechea utramnim, tum khoinchea vixoi-acher ani kiteak lagon uloita tem kolloi.
To vixoi kiteak gorjecho tem dakhoi. Aiknnareanchea gorje pormonnem tuji survatechim utram taka lagu kor. Tum kitem sangta tem tanchea faideak koxem poddttolem tem spoxtt ritin tannim somzonk zai.

Bhaxonn toiar kortana tukach vichar, ‘Mhojea sobhentlim bhav-bhoinnam kosle poristhitint asat?’ Uprant, tanchea gorje pormonnem tujim survatechim utram toiar kor.