Xikounk Udharonnam Uzar Korop

Matev 13:34, 35

KITEM KORCHEM: Sadim udharonnam uzar korun aiknnareank mhotvacho mudʼdo xikoi ani tuji xikoupachi kola vaddoi.

Hem Koxem Korchem:

• Sadim udharonnam uzar kor. Jezun kelem toxem, lhan vostunchim udharonnam uzar korun vhodd vostu xikoi, ani sompeo vostu uzar korun kotthin vostu xikoi. Udharonn sompem dovorunk, goroz na ti mahiti sangonaka. Udharonnache bhag, tum xikounk sodhta tea lisanvak lagu zaunk zai. Na zalear, aiknnareank sarki somzonnim mellchi na.

• Tujea aiknnareank motint dovor. Aiknnareanchi poristhiti, kamam ani zobabdareo motint dovorun, tankam avoddttolim toslim udharonnam vinchun kadd. Punn chotrai dovor ki tunvem vaporlolea udharonnak lagon aiknnareank koslich loz vo opman zaunk favona.

• Mukhel mudʼdo xikoi. Mukhel mudʼdeancher uzvadd ghal, barik mahiticher nhoi. Tujea aiknnareank fokot udharonn nhoi punn tachem lisanv bi ugddas urta toxem kor.