Obheas 18

Aiknnareank Xikonk Melltta Toxem Korop

1 Korintkarank 9:19-23

KITEM KORCHEM: Aiknnareank chintunk hurba di. Tankam kitem tori mhotvachem xikonk mellʼllem mhunn disonk zai.

Aiknnaram kitem zannam tem ugddas dovor. Aiknnaram kitem zannam tench porot sangche bodlek, tankam to vixoi novea nodren pollounk adar di.

Aiknnaram zannant te vixoi thoddea vella bhitor sang. Nove vichar sangtana vell ghe.
Sodh kor ani niall kor. Favo tednam mukhel mudʼde somzaunk halincheo ghoddneo vo her ghoddneo sang. Tum uloita tea vixoi-a modem ani tea ghoddne modem kitem sombond asa tem chint.

Tujea vixoi-acher topasnnim kortana oxe prosn tukach vichar zoxem, ‘kitem, kiteak, kednam, khoim, konn, ani koxem.’ Bhasabhas kortana he prosn ghe ani tancho zobab di. Oxem kelʼlean tum hurbebhorit ritin xikounk xoktolo.
Tuzo sondex koso upkarta tem dakhoi. Bible-antle mudʼde sodanchea jivitant koxe faideak poddttat tem somzonk aiknnareank adar kor. Aiknnareank lagu zata tosli poristhiti, sobhav ani korneam vixim bhasabhas kor.