Bible Vachop Faideachem Kiteak?

Eka farak zhadd poddona oxi mhonnʼnni asa ti tumi aikolea astoli. Tor, ek-ek korun zaite gav marlea uprant zhadd poddtta. Tech bhaxen dor ek disa thoddo-thoddo korun ami Bible vachunk zata. Punn tumi ghoddie chintit, ‘Hanvem Bible vachop koxem suru korunk zata?’ Hea odheai-ant thoddeo suchounneo dilʼleo asat jeo apnnailear Bible vachunk ani tacho obheas korunk tumkam avoddttolem. Ami teo suchounneo polloum-ia.

1. Ami sodanch Bible kiteak vachunk zai?

Ek munis sodanch Bible vo ‘Jehovache updes’ vachta zalear to khuxal astolo ani jivitant taka ies mellttolem. (Stotr 1:1-3 vachat.) Dor disa thoddo vell kaddun tumi Bible vachpachi sonvoim korunk zata. Tednam hollu-hollu korun tumkam to vachunk avoddttolo.

2. Bible vachop faideachem zaunk tumi kitem korunk zata?

Bible vachop faideachem zaunk ami vachlea uprant thoddo vell tea vixim chintunk zai. Tor ami vachunk zai ani magir ‘tacher niall korunk’ zai. (Joshua 1:8) Vachtana, tumi tumkanch he prosn vicharunk zatat: ‘Hantuntlean mhaka Jehova Deva vixim kitem xikonk melltta? Hem hanvem mhojea jivitant koxem lagu korunk zata? Him versam uzar korun hanvem dusreank koxi modot korunk zata?’

3. Bible vachunk tumi kednam vell kaddunk zata?

Tumkam Bible vachunk velluch mellona oxem dista kai? Amchea modlea zaitea zannank oxem dista astolem. Punn Bible sangta, “tumcho vell bore toren uzar” korunk proitn korat. (Efezkarank 5:16) Tor Bible vachunk tumi dor disa umkoch vell tharaunk zata. Thoddo lok aplem Bible vachop sokallchem korta. Thoddim disachea dusrea vellar, zoxem jevonn jevlea uprant kortat. Ani dusrim thoddim ratchea vellar vachtat. Tumi tumchem Bible vachop khoinchea vellar korunk sodhtat?

KHOLAIEN XIKAT

4. Bible vachop tumkam avoddttolem

Bible vachunk tumkam avoddnna zalear kitem? Tumi kednanch chakunk na toslem jevonn chaktat ani khaunk lagtat tednam hollu-hollu tumkam tem avddonk lagta. Teach toren, tumi ek pavtt Bible vachunk suru kortoch sovkas-sovkas tumkam tem avddonk lagtolem. 1 Pedru 2:2 vachun hea prosnacho zobab zannam zaum-ia:

• Tumi dor disa Bible vachunk suru kelo zalear tumkam tem anik vachunk avoddttolem kai?

Thoddea lokank Bible vachunk koxem avddonk laglem tem zannam zaunk VIDEO polloun sokol dilʼlea prosnanche zobab zannam zaum-ia.

VIDEO: Tornnattim Devachea Utracho Mog Korunk Xiktat (5:33)

• Video-nt aslolea tornnatteamnim koslea oddchonneancho fuddo kelo?

• Dor disa Bible vachunk tankam koxi modot mellʼlli?

• Tankam Bible vachunk kiteak avddonk laglem?

Bible vachunk suru korat:

• Patieunk zata ani somzonk sompo asa toslo Bible vinchun kaddat. Tumchea bhaxent New World Translation ho Bible asa zalear polloiat vo tumkam dusri bhas bori somzota zalear tea bhaxent tumi ho Bible vachunk zata.

• Tumkam avoddtta to bhag poilo vachat. Tumi khoincho bhag vachunk zata tem zannam zaunk “Bible Vachunk Suru Korat” hea charttacho adar gheiat.

• Tumi vachlam tem ugddas dovrat. “Bible Vachpant Tumi Khoim Pavleant” ho chartt uzar korat.

• JW Library^® app uzar korat. Hem app uzar korun tumi tumchea mobile-ar vo tab-ar kednam-i Bible vachunk zata vo tacho audio aikonk zata.

• New World Translation hea Bible-antleo appendix uzar korat. Tantuntle nokxe, chartt, ani glossary uzar korun tumi tumchem Bible vachop anik khuxalkaiechem korunk zata.

5. Bible obheasa pasot toiari korat

Stotr 119:34 vachun hea prosnacho zobab zannam zaum-ia:

• Bible vachop korchea poilim vo Bible obheasa pasot toiari korchea poilim ami magnnem kiteak korunk zai?

Bible obheasacho purnn faido zaunk, dor eka odheai-achi toiari kortana tumi sokol dilʼleo vatto uzar korunk zatat:

1. Odheai-ant aslole survateche peregraf vachat.

2. Thoim dilʼlim versam vachat ani tim odheai-antlea mahitik koxim lagu zatat tem somzoncho proitn korat.

3. Dor eka prosnacho zobab ditat tim mukhel utram vo teo volli mark korat. Hea toren tumkam Bible xikoupi prosn vicharta tednam taka zobab diunk tumkam sompem zatolem.

Tumi zannant?

Jehovachea Sakxeamnim Bible-achim veg-vegllim bhaxantoram uzar keleant. Punn atam ami New World Translation of the Holy Scriptures uzar kortat karonn tantunt Devachem nanv asa. Toxench, tantuntli mahiti khori ani somzonk sompi asa.—“Jehovachea Sakxeam Lagim Veglloch Bible Asa Kai?” ho lekh polloiat.

KITEM XIKLIM

Bible-acho purnn faido zaunk vachunk vell kaddat, vachta tem somzonk magnnem korat, ani dor ek pavtt Bible obheasa pasot toiari korat.

Porot Ugddas Korum-ia

• Bible vachtana tacho purnn faido zaunk tumi kitem korunk zata?

• Bible vachunk ani xikonk tumi kednam vell kaddunk zata?

• Bible obheasa pasot dor ek pavtt toiari korop kiteak faideachem?

ANIK SODHAT

Tumchea Bible vachpacho purnn faido melloun gheunk thoddeo suchounneo polloiat.

“Bible Vachpantlean Purnn Faido Koso Mellounk Zata?” (The Watchtower No. 1 2017)

Bible vachop koxem korunk zata tem zannam zaunk tin vatto polloiat.

“Bible Mhaka Koso Modot Korunk Xokta?—Bhag 1: Bible-ant Kitem Asa Tem Zannam Zaiat” (Web article)

Bible vachop koxem khuxalkaiechem korunk zata tem zannam zaiat.

“Bible Mhaka Koso Modot Korunk Xokta?—Bhag 2: Bible Vachop Khuxalkaiechem Korat” (Web article)

Zaitea vorsam thaun Bible vachtat tanchea koddlean thoddeo suchounneo aikat.

Faideak Poddtta Toslo Svotacho Obheas (2:06)