ODHEAI 30
Amchim Mogachim Meleant Tim Jivont Zatolim!
Amcho konnui morta tednam amkam khub dukh bhogta. Hakach lagon Bible-ant mornnak dusman mhunnttla. (1 Korintkarank 15:26) Jehova hea dusmanacho nas kortolo mhunn ami odheai 27-ant xiklolim. Punn atam porian meleant tanchem kitem zatolem? Melolea kottʼtteamnim munxank Jehova Dev jivont kortolo ani tim sasnak khuxalkaien jietolim. Punn oxem khorench zatolem kai? Hoi zalear, tem khoim zatolem, sorgar vo prithumer?
1. Meleant tankam jivont korunk Jehovak koxem dista?
Meleant tankam jivont korunk Jehova Dev axeun ravla. Devacho visvaxi sevok, Job-ak purnn khatri asli ki apunn melo zalear pasun Dev apnnank jivont kortolo mhunn. Tannem mhunnttlem: “Tum ulo martoloi ani hanv tuka [fonddantlean] zap ditolom.”—Job 14:13-15 vachat.
2. Meleant tim jivont zatolinch mhunn amkam kiteak khatri asa?
Jezu prithumer astana Devan taka meloleank jivont korchi xokti dilʼli. Tannem 12 vorsanchea eka cheddvak ani eke vidvechea putak jivont kelo. (Marku 5:41, 42; Lukas 7:12-15) Toxench, Jezun Lazar nanvachea aplea ixttak jivont kelo, zaka moron char dis zalʼle. Lazarache dholʼli-xim pavtoch Jezun Jehova lagim magnnem kelem ani uprant oxem mhunnttlem, “Lazar, bhair ieo!” Ani “melolo to munis bhair ailo.” (Juanv 11:43, 44) Lazarak jivont polloun tachim ghorchim ani ixttam kitlim khuxal zalim astolim nhoi!
3. Amchim mogachim meleant tanchea pasot kitem bhorvonso asa?
‘Meleant tim jivont’ zatolim mhunn Bible sangta. (Itihas 24:15) Adlea kallar, Jezun thoddeank jivont kelʼlim. Him munxam melʼlim tednam sorgar vochonk naslim. (Juanv 3:13) Heach pasot, Jezun tankam prithumer jivont kelim tednam tim dukhi zaunk nant punn khub khuxal zalim. Fuddarak, Jezu kottʼtteamnim lokank jivont kortolo ani tim hea prithumer sasnak khuxalkaien jietolim. Jezun mhunnttlem, “fonddamnim asat tim soglim” jivont zatolim. Hacho orth, Jehovachea ugddasant asat tankam sogleank to jivont kortolo. Moron gelʼlea thoddeank ami ghoddie visrot, punn Dev tankam kednanch visrona.—Juanv 5:28, 29.
KHOLAIEN XIKAT
Meleant tankam jivont korunk Jezuk xokti asa ani to tankam jivont kortoloch mhunn ami kiteak khatri dovrunk zata tea vixim anik zannam zaiat. Toxench, ho bhorvonso amkam bhuzvonn koxi dita tem-ui polloiat.
4. Meleant tankam jivont korunk apnnachean zata mhunn Jezun dakhoilem
Jezun Lazara pasot kitem kelʼlem tea vixim anik zannam zaiat. Juanv 11:14, 38-44 vachun sokol dilʼlea prosnanche zobab zannam zaum-ia:
Lazar khoroch melolo mhunn amkam koxem kolltta?—Vers 39 polloiat.
Melea uprant Lazar sorgar gelʼlo zalear Jezu taka porot hea prithumer jieunk haddttolo aslo oxem tumkam dista?
5. Zaito lok jivont zatolo!
Stotr 37:29 vachun sokol dilʼlea prosnacho zobab zannam zaum-ia:
Jivont zatat te sogle lok khoim jietole?
Jezu fokot Jehovachea sevokank jivont korcho na, punn anik zaitea zannank jivont kortolo. Itihas 24:15 vachun sokol dilʼlea prosnacho zobab zannam zaum-ia:
Melolim jivont zatolim tednam tumi konnank mellonk axetat?
Hea vixim chintat: Ek bapui aplea bhurgeak nhidentlean uttoita toso Jezu meloleank sompeponni jivont kortolo
6. Melolim jivont zatolim hem zannam zaun amkam bhuzvonn melltta
Khontibhorit aslolea zaitea zannank Jairusachi dhuv jivont zali hem zannam zaun bhuzvonn mellʼllea. Tiche vixim Lukas 8:40-42, 49-56-ant vachum-ia.
Jairusachea dhuvek jivont korche poilim, Jezun tichea bapaik oxem mhunnttlem: “Bhienaka, fokot bhavarth dovor.” (Vers 50 polloiat.) Melolim jivont zatolim hem zannam zaun . . .
amchim mogachim mortat tednam amkam koxi modot zata?
amchem jivit dhokeant asta tednam amkam koxi modot zata?
VIDEO polloun sokol dilʼlea prosnacho zobab zannam zaum-ia:
Melolim jivont zatolim hem zannam zaun Phelicity-chea avoi-bapaik koxi bhuzvonn mellʼlli?
THODDO LOK MHUNNTTA: “Melolim munxam jivont zatolim oxem mhaka disona.”
Tumkam kitem dista?
Melolim jivont zatolinch mhunn dakhounk tumi khoinchem vers dakhoitolim?
KITEM XIKLIM
Meleant tea kottʼtteamnim lokank Dev hea prithumer jivont kortolo ani toxem korunk to axeun ravla. Meloleank jivont korunk tannem Jezuk xokti dilea.
Porot Ugddas Korum-ia
Meloleank jivont korchea vixim Jehovak ani Jezuk koxem dista?
Kottʼtteamnim lok khoim jivont zatole, sorgar vo prithumer? Tumi oxem kiteak mhunnttat?
Tumchim mogachim meleant tim jivont zatolim mhunn tumkam kiteak khatri asa?
ANIK SODHAT
Tumcho konnui mela dekhun tumi dukhant asat zalear tumi kitem korunk zata tea vixim zannam zaiat.
Dukhant asloleank Bible-antlean modot mellonk xokta kai?
Mogacho morta tednam bhurgeank bhuzvonn koxi diunk zata?
Meleant tantuntlim konnui sorgar jivont zatolim kai? Meleant tantuntlim konn jivont zaunchimnant?