XIS KOROP
ODHEAI 11
Sompea Ritin Xikoiat
Totv: “Tumi dusreank somzota toslea bhaxent uloinant zalear tumi kitem sangonk sodhtat tem konnakui koxem kollttolem?”—1 Kor. 14:9.
Jezun Kitem Kelem?
1. VIDEO polloiat, vo Matev 6:25-27 vachat. Uprant hea prosnancher niall korat:
Jehova amchi kallji gheta mhunn dakhounk Jezun koslem udharonn dilem?
Jezuk suknneam vixim khub mahiti asli, tori astana tannem tanchea vixim sompi mahiti kiteak uzar keli? Ani xikounk hi ek bori vatt kiteak asli?
Jezu Thaun Ami Kitem Xiktat?
2. Ami sadhe ritin xikoitat tednam sot tanchea kallzak lagtolem ani tem tanchea ugddasak urtolem.
Jezuchi Dekh Gheiat
3. Chodd uloinakat. Eka vixoi-acher soglem sangchea bodlek, prokaxonant dilea tich mahiti uzar korat. Tumi vidʼdheartheak ek prosn vichartat tednam taka zobab diunk vell diat. Taka zobab khobor na vo to Bible-achea xikounne add kitem-i sangta zalear, anik prosn vicharun to vixoi somzonk taka modot korat. Taka mukhel mudʼdo somzolea uprant, fuddlea vixoi-acher vochat.
4. Novem kitem-i xikoitana, to kitem zannam tem tachea ugddasak haddat. Udharonnak tumi jivontponna vixim xikchim asat zalear, meloleanchea poristhiti vixim to kitem xiklolo tem tachea ugddasak haddat.
5. Chintun udharonnam uzar korat. Ek udharonn uzar korchea poilim tumkanch vicharat:
‘Hem udharonn sompem asa kai?’
‘Mhojea vidʼdheartheak tem rokddench somzotolem kai?’
‘Mhojea vidʼdheartheak tem udharonnuch nhoi, punn mukhel mudʼdo pasun ugddas urtolo kai?’