Dhir Dakhoiat

Jezun Kitem Kelem?

VIDEO: Jezu Eka Girest Odhikareak Solʼlo Dita

1. VIDEO polloiat, vo Marku 10:17-22 vachat. Uprant sokol dilʼlea prosnancher niall korat:

1. Jezun girest odhikareache kosle bore gunn polloile astole?

2. Taka solʼlo diunk Jezuk mog ani dhirachi kiteak goroz asli?

Jezu Thaun Ami Kitem Xiktat?

2. Sotant vaddavoll korunk kitem korunk poddttolem tem ami amchea vidʼdheartheak mogan ani ukteponnim sangonk zai.

Jezuchi Dekh Gheiat

3. Tumchea vidʼdheartheank dhei dovrunk ani te melloun gheunk modot korat.

1. Sasnak Khuxalkaien Jieiat! hea pustokachea dor ek odheai-antlo “Tumi Kitem Korunk Zata” ho bhag uzar korat.

2. Lhan toxech vhoddle dhei melloun gheunk tannim umkench kitem korchem tem zannam zaunk tankam modot korat.

3. Vaddavoll korunk tumcho vidʼdhearthi korta tea vavra pasot taka xabaski di-it ravat.

4. Vidʼdheartheak vaddavoll korunk kosleo oddchonneo asat tem zannam zaunk proitn korat ani taka modot korat.

1. Tumkanch vicharat:

   • ‘Vidʼdhearthi bautism gheunk fattim sorta zalear, taka kosli oddchonn asa kai?’

   • ‘Hanv taka koxi modot korunk xoktam?’

2. Vidʼdhearthean kitem korunk zai tem taka mogan ani ukteponnim sangonk Jehova lagim modot magat.

5. Vidʼdearthi vaddavoll korina zalear obheas bond korat.

1. Vidʼdhearthi vaddavoll korta vo na tem zannam zaunk tumkanch vicharat:

   • ‘To xikta tem aplea jivitant lagu korta kai?’

   • ‘To mittingek hajir zata kai ani xikta tem dusreank sangta kai?’

   • ‘To zaitea tempa thaun obheas korta zalear to ek Jehovacho Sakxi zaunk sodhta kai?’

2. Bible vidʼdhearthi vaddavoll korina zalear:

   • To kiteak fattim sorta tea vixim taka chintunk sangat.

   • Tumi tacho obheas kiteak bond korunk sodhtat tem taka mogan somzaiat.

   • Taka porot Bible obheas korunk zai zalear tannem kitem korunk zai tem taka sangat.