Jezun Lokancho Mog Kelo

Matev odheai 8 ani 9-ant Jezun Galileiant kelʼle seve vixim thoddi mahiti asa. Jezun lokank bore kele tednam tannem apli xokti dakhoili khorem, punn chodd mhotvachem mhunnttlear taka tancho khub mog ani doia-maia asli dekhun tannem oxem kelem.

1. 

   Jezun eka koddkarak boro kelo.—Mt. 8:1-3

2. Jezun eka xotpotichea sevokak boro kelo.—Mt. 8:5-13

   Tannem Pedruche sasumaik bori keli.—Mt. 8:14, 15

   Tannem devchar kaddle ani duent aslolea lokank bore kele.—Mt. 8:16, 17

3. Jezun munxam voile bhirankull devcharank kaddun dukranchea hinddacher dhaddle.—Mt. 8:28-32

4. Jezun aren dhorlolea munxak boro kelo.—Mt. 9:1-8

   Jezun aplea angvostrak hat lailolea bailek bori keli ani Jairusachea dhuvek porot jivont keli.—Mt. 9:18-26

   Jezun kuddʼddeank ani moneank bore kele.—Mt. 9:27-34

5. Jezun nogramnim ani ganvamnim bhonvon sogle toreche pidda-rog bore kele.—Mt. 9:35, 36

Hanvem dusreank chodd mog ani doia-maia koxi dakhounk zata?