Tumi Ugddas Disa Pasot Koxim Toiari Kortolim?

Hea vorsa thaun, Kristachea Mornnachea Ugddas Disa pasot toiari korunk amkam chodd vell mellttolo. To dis, sumanachea modem poddtta tednam, tea sumanak Jivit ani Porgottnni Mittting aschi na. Ugddas Dis sonvara vo aitara poddtta tednam, tea sumanak jahir bhaxonn ani Watchtower Obheas ascho na. Tor, tumkam anik chodd vell mellʼlla to tumi bore toren uzar kortolim nhoi? Poilea xekddeant kortale toxem aiz pasun hi khas kariavoll manddavollin zaunk zaitim kamam korchim poddttat. (Luk. 22:7-13; km-E 3/15 1) Hea kariavolli thaun chodd faido zoddunk ami thoddeo her vostu pasun korunk zai. Teo kitem?

• Ugddas Disak hajir zavop kiteak gorjechem tem niall korat.—1Kor. 11:23-26

• Magnnem korun, Jehova sangata aslolea tumchea ixttagoti vixim chintat.—1Kor. 11:27-29; 2Kor. 13:5

• Ugddas Disacho orth somzaita tosli Bible adarit mahiti vachat ani tacher niall korat.—Ju. 3:16; 15:13

Thoddim bhav-bhoinnam Examining the Scriptures Daily, hea pustokant Ugddas disa sombondit dilolim Bible versam vachun, tacher niall kortat. Thoddim, sokol dilolea charttant aslolim Bible versam vachtat. Ani her thoddim, ugddas disa vixim ani Jehovan ani Jezun amchea pasot dakhoilolea moga vixim bhasabhas korta tosle Watchtower-antle lekh vachun niall kortat. Obheas korunk tumi kitem-i vinchum, tachea vorvim tumkam Jehovak ani tachea putak chodd ani chodd lagim soronk modot zaum-di.