Svotacho Obheas Tumkam Chodd Faideak Poddtta Toso Korat

KITEAK GORJECHEM: Devachea Utracho ami svotacho obheas kortat tednam sotachi “rundai, lambai, unchai ani kholai kitli” asa ti somzonk modot zata. (Ef. 3:18, Povitr Pustok – Novo Korar) Toxench, hea noxttea sonvsarant niropradi ani kainch khot nastana jieunk, ani Devachea Utrachi ‘odik bori vollokh’ korun gheunk amkam modot zata. (Filp. 1:9) Svotacho obheas kelolean, amkam dor ekleak gorjechi asa ti mahiti vinchunk modot zata. Amchea Bible vachpantlean ani obheasa thaun zata titlo faido mellonk ami kitem korunk zata?

HEM KOXEM KORCHEM:

• Tumchea svotacho obheas korunk uzar kortat to Bible, pustok vo electronic format zaum, tantunt tumi tumkam zai tim versam mak korat vo tipnni boroiat

• Devachem Utor vachtana tumi tumkanch he prosn vicharunk zatat: ‘Konn? Kitem? Kednam? Khoim? Kiteak? Koxem?’

• Sarki mahiti sodhat. Tumchea lagim aslolim sadhonam uzar korun eka vixoi-acher vo Bible versacher sodh korat

• Vachloli mahiti tumkam koxi lagu zata tem zannam zaunk tacher niall korat

• Tumi xiktat tem tumchea sodanchea jivitant lagu korat.—Luk. 6:47, 48

FAIDEAK PODDTTA TOSLO SVOTACHO OBHEAS KORUN SOTACHI ‘ODIK BORI VOLLOKH’ KORUN GHEIAT, HO VIDDEO POLLOIAT, ANI TEA UPRANT SOKOL DILOLEA PROSNANCHE ZOBAB DIAT:

• Svotacho Bible obheas korchea vixim thoddim kitem mhunnttat?

• Dor ek pavtti svotacho Bible obheas suru korche poilim ami magnnem kiteak korunk zai?

• Ek Bible-acho bhag anik bore toren somzonk amkam kitem modot korunk xokta?

• Ami obheas korunk uzar kortat tea Bible-acher khoinche veg-veglle toren ami mak korunk xoktat?

• Devachea Utracher obheas kortat tednam niall korop kiteak chodd gorjechem?

• Ami xikleam uprant kitem korunk zai?