Visronk Zaina Toslim Borim Kamam

Jehova sasnank ugddas dovrunk xokta toslim borim kamam tache sogle sevok korunk xoktat. Aplea bhurgeancho mog korta tea avoi vo bapai sarko, Jehova amchim bori kamam, ani tachea nanva pasot ami kelolo vavr kednanch visrona. (Mt. 6:20; Heb. 6:10) Amkam sogleank veg-veglli tank asta ani amchi poristhiti veg-veglli asta hem khorem. Punn Jehovachea sevent ami boreantlem borem dilear ami khuxal astolim. (Gal. 6:4; Kol. 3:23) Zaitea vorsam thaun, hozaramnim bhav-bhoinnamnim Bethel-ant seva kelea. Tumi Bethel-ant vochon kam korunk xoktat kai? Tumchean toxem korunk zaina zalear, tumi konnakui thoim kam korunk urba diunk xoktat kai? Vo tumi Bethel familichea eka sodoxiak hea khas torechea sevent vavrit ravonk modot korunk xoktat kai?

BETHEL SEVA KORUNK FUDDEM SORAT, HO VIDDEO POLLOIAT, ANI UPRANT SOKOL DILOLEA PROSNANCHE ZOBAB DIAT:

• Bethel seva korunk tumkam kitem urba diunk zai?

• Bethel-ant seva kelolean mellttat tea besanvam vixim thoddim kitem mhunnttat?

• Bethel seva korunk kitem gorjechem?

• Bethel-ant seva korunk tumi kitem korchem poddttolem?