Jehova Nitoll Lokancho Mog Korta

‘Tuje hat dhu. Ghor nitoll kor. Saronn mar. Kochro uddoun ieo.’ Oxem mhunnon zaite avoi-bapui aplea bhurgeank apli kudd ani apleo vostu koxeo nitoll dovrunk zai tem xikoitat. Punn, khorem mhunnttlear nitoll dovorchea vixim aslolim totvam amchea povitr Deva thaun ietat. (Sutt. 30:18-20; D.S. 23:14; 2Kor. 7:1) Ami amchi kudd ani amcheo vostu nitoll dovortat tednam ami Jehovak man haddttat. (1Ped. 1:14-16) Amchem ghor ani tachea sorvbhonvtonnechea zagea vixim kitem? Lok rostear ani parkant kochro uddoitat. Punn, Jezucho pattlav korpi lok apunn ravtat ti prithum nitoll dovrunk apnnachean zata titlem kortat. Hea ritin, te her lokam poros veglle asat. (St. 115:16; Prok. 11:18) Nitollsanne vixim amcho sobhav koso asa to, ami choklettichi kagdam, battleo, vo chewing gum khoim uddoitat, oslea barik vostumnim pasun dison ieta. Ami jivitant kitem-i korum, ami sodanch “Devache sevok mhonn dakhoitanv.”—2Kor. 6:3, 4.

NITOLL LOKANCHO DEV MOG KORTA, HO VIDDEO POLLOIAT, ANI MAGIR SOKOL DILOLEA PROSNANCHE ZOBAB DIAT:

• Apleo vostu nitoll dovornant tim koslim karonnam diunk xoktat?

• Nitollsanne bodʼdol Jehovak koxem dista tea vixim Moizesachea Somurtint kitem sanglolem?

• Kainch sangom nastana ami Jehova vixim koxim sakx diunk xoktat?