Porgottnnechea Kamant Amchi Kola Vaddoum-ia​—Dixtt Nasloleank Porgott Korop

KITEAK GORJECHEM: Zaitim zannam zankam dixtt na, tankam onvollkhi munxam lagim ulounk kotthin zata. Tor, tankam porgott korunk amkam kola asonk zai. Jehova dixtt nasloleanchi khub porva korta. (Lev. 19:14) Jehovachi dekh gheun dixtt nasloleank ami adar korunk zata. Oxem kelear, Jehovachim ixttam zaunk tankam modot zatoli.

HEM KOXEM KORCHEM:

• Dixtt nasloleank ‘sodhun kaddat’. (Mt. 10:11) Konnachea-i kuttumbant dixtt naslolo munis asa mhunn tumi zannant zalear taka porgott korunk ek sondhi vinchun kaddat. Tumi porgott kortat tea vattarant, dixtt nasloleam pasot iskolam, nursing home vo tankam suvidha diunk her zage asat kai? Toxem zalear, thoim braille lipint aslolim amchim prokaxonam tankam dovorunk avoddttolim zalear polloiat.

• Tanchi kallji korat. Eka ixtta bhaxen ami tanchi porva kortat zalear tankam amchea lagim ulounk sompem zatolem. Tankam avoddtta tea vixoi-acher ulovop suru korat.

• Jehovachi vollokh gheunk tankam adar korat. Dixtt nasloleank modot korunk amchea songottnnen veg-vegllea format-an prokaxonam toiar keleant. Tor tankam koxe toren xikonk avoddttolem tem vicharat. Dixtt nasloleank zai toslea format-an prokaxonam magleant vo na tem sevechi dekhrekh korpean pollounk zai.