Xevott Ieum Porian Thir Ravat

KITEAK GORJECHEM: Beginuch osleo ghoddnneo ghoddcheo asat jednam amkam Jehovacher aichea poros chodd visvas dovrunk poddttolo ani dhiran vavrunk poddttolem. Khottea dhormacho nas zata tednam vhodd sontap suru zatolo. (Mt. 24:21; Prok. 17:16, 17) Tea goddboddachea vellar, ami zhoddttecho oslo sondex porgottʼttolim zo ghoddie lokank manun gheunk kotthin zatolo. (Prok. 16:21) Tea uprant, Magogacho Gog amcher akromonn kortolo. (Ez. 38:10-12, 14-16) Tednam, aplea lokank salvar korunk Jehova Dev aplem ‘vhoddlea disachea zhuz’ suru kortolo. (Prok. 16:14, 16) Aiz amchea bhavarthachi porikxa zata tednam ami thir ravtat zalear fuddarak heo ghoddnneo ghoddttat tednam dhir dakhounk amkam modot zatoli.

HEM KOXEM KORCHEM:

• Dhiran Jehovachea noitik dorjeam pormonnem jieiat.—Iz. 5:20

• Kristi bhav-bhoinnam sangata Jehovachi bhokti korit ravat.—Heb. 10:24, 25

• Jehovachea songottnne thaun ieta tem margdorxon rokddench apnnaiat.—Heb. 13:17

• Jehovan adim aplea porjek koxi salvar keli tacher niall korat.—2Ped. 2:9

• Jehova lagim magnnem korat, ani tacher visvas dovrat.—St. 112:7, 8

FUDDARACHEO GHODDNNEO ZOIM AMI DHIR DAKHOUNK ZAI—HACHO THODDO BHAG, HO VIDDEO POLLOIAT ANI MAGIR SOKOL DILOLEA PROSNANCHE ZOBAB DIAT:

• 

  Eka sobhentlea porgottnnarank dusrea sobhent vochonk poddlem tednam thoddeank kotthin kiteak zalem?

• 

  Adnea pallttat tednam ami dhirvont koxim zatat?

• 

  Armagedʼdonachea vellar amkam dhirachi kiteak goroz poddttoli?

• 

  Jehova amkam salvar kortolo mhunn Bible-antle khoinche ghoddnne udexim amcho bhavarth ghott zata?—2It. 20:1-24