Tumi Tumcho Vell Ani Sokot Dan Korunk Toiar Asat Kai?

Izaias provadean bhakit kelʼlea pormonnem, aiz prithumer Jehovachea songottnnent vhodd promannan vaddavoll zait asa. (Iz. 54:2) Hea karonnak lagon, novim Raj-ghoram, Zomatichim Holam ani xakha ofisam bandpachi goroz asa. Bandkam zalea uprant pasun tancho samball korcho asta ani thoddeanchi durusti korchi poddtta. Hea udexim Jehovachea kamam pasot amcho vell ani sokot dan korunk amkam kosli sondhi asa?

• Amchea grupak Raj-ghor nitoll korchem asta tednam ami bhag gheunk zata

• Raj-ghor koxem samballchem hea vixim proxikxonn asta tednam ami ap-khuxen bhag gheunk zata

• Ami amchea ghora lagim aslolea Raj-ghorachem bandkam ani durusti korchem kamant modot korunk Local Design/Construction Volunteer Application (DC-50) hem form bhorum ieta

• Ek suman vo chodd vell Bethel-ant vo Bethel-a bhair aslolea bhaxantor ofisant ap-khuxen kam korunk tumkam khuxi asa zalear, Application for Volunteer Program (A-19) hem form tumi bhorum ieta

EK NOVEA BANDKAMACHI IEVZONN CHALU ASA—HACHO THODDO BHAG HO VIDDEO POLLOIAT, ANI UPRANT SOKOL DILOLEA PROSNANCHE ZOBAB DIAT:

• 2014 hea vorsa thaun viddeocho vapor korop koso vaddla?

• Amchea bhoktent favo title viddeo toiar korunk kosli ievzonn chalu asa, ani ti kednam suru zaunk ani sompounk tharailolem asa?

• Ap-khuxen vavurtolea bhav-bhoinnamnim hea kamant koso bhag gheunk zata?

• Ramapo-nt zatolea bandkamak ami adar korunk sodhtat zalear ami form (DC-50) kiteak bhorunk zai ani amchea ghora lagim aslolea Ievzonn ani Bandkam, kamant kiteak vantto gheunk zai?

• Jehova hea kamak nirdexon dita mhunn kitem puravo asa?

• Ami Ramapo-nt bandkam korunk vochonk xokonant zalear pasun ami hea kamank koso tenko diunk zata?