Avoi-bapaino, Bhurgeank Favo Ti Zannvai Diat

Ami oslea sonvsarant jietat, zoim lok vaittak borem ani boreak vaitt mhunnttat. (Iz. 5:20) Aiz thoddo lok Jehovak avoddna toslim kamam korta zoxem apleach lingachea munxa lagim kuddicho sombond dovortat. Amchea tornnatteancher iskolantle sangati vo dusrim, vaitt kamam korunk dobhav ghaltat. Tor oslea poristhitincho fuddo korunk tumi tumchea bhurgeank koxim toiar kortolim?

Avoi-bapaino, Jehovache nodren kitem borem ani vaitt tem tumchea bhurgeank xikoiat. (Lev. 18:3) Bhurgeanchi pirai motint dovrun tankam thoddem-thoddem korun loingik vixoi-ancher Bible kitem sangta tem xikoiat. (D.S. 6:7) Tumkanch vincharat: ‘Hanvem mhojea bhurgeank dusream lagim moriadin vagop ani moriadiche kopdde nhesop gorjechem mhunn xikoilam kai? Bhurgeamnim dusreank aplem ang pollounk ani aple kuddik naka thoim hat launk diunk zaina mhunn hanvem tankam xikoilam kai? Mhojea bhurgeank konnui bhurxim chitram vo vaitt kamam korunk sangta zalear tannim kitem korchem tem tim zannant kai?’ Tumi hem soglem tumchea bhurgeank adim fuddench xikoilear tim trasant poddchimnant. (Mho. 27:12; Up. 7:12) Bhurgim Deva thaun moladik dennim zaun asat. Tor, tankam loingik vixoi-ancher sarki mahiti ditat tednam tumi tancho mog kortat mhunn kollon ietolem.—St. 127:3

THIR URTA TOSLEM GHOR BANDAT—VAITTA THAUN TUMCHEA BHURGEANK RAKHAT, HO VIDDEO POLLOIAT ANI UPRANT HEA PROSNANCHE ZOBAB DIAT:

• 

  Thoddim avoi-bapui aplea bhurgeam lagim loingik vixoi-ancher ulounk kiteak fattim sortat?

• 

  Avoi-bapain aplea bhurgeank Jehovachea “xistin ani bore dekhin” kiteak vaddounk zai?—Ef. 6:4

• 

  Tumi khoinchea prokaxona thaun tumchea bhurgeank loingik vixoi-ancher sarki somzonni diunk zata?—w19.05-E 12, boks

• Tumchim bhurgim trasant poddona zaunk, tumi sodanch tanche lagim kiteak ulounk zai?