Tumchem Kazari Jivit Ghott Samballun Dovrat

Ek dadlo ani bail kazaracho soput gheta tednam tannim to soput sasnak pallʼllolo Jehovak zai. (Mt. 19:5, 6) Amchea modem zaitim khuxal kazari zoddpim asat. Punn sogleanchea kazari jivitant kosleo-na-kosleo oddchonneo astach. Oslea vellar sonvsari lokam bhaxen vegllim zavop vo divors divop sarkem zatolem mhunn tannim chitunk favona. Ek Kristi ghov-bailen aplem kazari jivit samballunk khub proitn korunk zai. Tumi tumchem kazari jivit koxem samballunk zata?

Panch gorjechim pavlam polloum-ia.

1. Tumchea kallzachi rakhonn korat. Dusream lagim mironakat ani onoitik monoronjon polloum nakat. Oxem kelʼlean, tujea ghova vo baile sangata tuzo sombond oskot zaunk pavchona.—Mt. 5:28; 2Ped. 2:14.

2. Deva sangata tumchi ixttagot ghott korat. Tumchem kazari jivit Devak khuxalkai haddtta toslem korunk proitn korat.—St. 97:10.

3. Novim munxam zaunk tumchea bhitor bore gunn vaddoiat. Tumchea kazari sangateak lhan-lhan kamamnim modot korun doiallai dakhoiat.—Kol. 3:8-10, 12-14.

4. Eka-meka lagim respedan ani kallzant thaun uloiat.—Kol. 4:6.

5. Mogan eka-mekacheo kuddicheo gorzo purnn korat.—1Kor. 7:3, 4; 10:24.

Ek Kristanv aplo kazaracho soput samballtta tednam, to Jehovak mhoima haddtta zannem kazarachi manddavoll kelea.

AMI ‘THIRAIEN DHANVOT RAVONK ZAI’—SPORDECHE NEM PALLUNK ZAI, HO VIDDEO POLLOIAT ANI UPRANT HEA PROSNANCHE ZOBAB DIAT:

• 

  Kazari jivitachi survat bori zalear pasun ghov-baile modem kosleo oddchonneo ieunk xoktat?

• 

  Eka zoddpeak tanchea kazari jivitant mog unno zala oxem dista zalear Bible-antlim khoinchim totvam tankam modot korunk xoktat?

• 

  Jehovan kazari zoddpeank kosle kaide dileat?

• Ghov-bailen tancho sombond ghott korunk kitem korunk zai?