Familint Mog Dakhoiat

Jea toren gom don vostunk chikttun dovorta, teach toren mog familik ekvottan dovorta. Mog na zalear familint eka-meka sangata bore bhaxen vagonk kotthin zatolem. Tor ghovamnim, bailamnim, ani avoi-bapaimnim familint mog koso dakhounk zata?

Ek ghov aplea bailek kitem zai, tichem chintop ani bhavnam kitem tem somzon gheta tednam to tika mog dakhoita. (Ef. 5:28, 29) Tea bhair, to aplea famili sangata chukoinastana Kuttumbik Bhokti korta, Jehova sangata tanchi ixttagot samballunk modot korta ani tancheo her gorzo purnn korta. (1Tim. 5:8) Ek bail aplea ghovak khalti ravon taka ‘man dita’ tednam ti taka mog dakhoita. (Ef. 5:22, 33; 1Ped. 3:1-6) Ghov-bailam eka-mekak kallzantlean bhogxitat. (Ef. 4:32) Avoi-bapui aplea dor eklea bhurgeacher dhean diun tankam Jehovacho mog korunk xikoitat tednam tim tankam mog dakhoitat. (D.S. 6:6, 7; Ef. 6:4) Hem korunk tanchi bhurgim iskolant koslea oddchonneancho fuddo kortat ani aplea ixttanchea dobhavancho koso fuddo kortat tea vixim tim zannam zatat. Familint mog asta tednam apunn surokxit asa mhunn sogleank distolem.

KUTTUMBANT MOG DAKHOIT RAV, HO VIDDEO POLLOIAT ANI UPRANT SOKOL DILOLEA PROSNANCHE ZOBAB DIAT:

• 

  Eka ghovak mog asa zalear to aplea bailechi kallji gheun ticho samball koso korta?

• 

  Eke bailek mog asa zalear, ti aplea ghovak koso man dita?

• 

  Avoi-bapaik aplea bhurgeancho mog asa zalear tim tankam Devachem Utor koxim xikoitolim?