AMCHEM KRISTI JIVIT
Sasnak Khuxalkaien Jieiat! Hem Prokaxon Porgottnnent Uzar Korat
Bible obheas korun zaiteank Jezuche xis korunk, tumkam ek novem pustok ani pustika mellʼllea mhunn tumi khub khuxal zalim astolim! Tor him prokaxonam uzar kortana Jehova tumcher besanv ghalum mhunn ami magtat. (Mt. 28:18-20; 1Kor. 3:6-9) Punn him tumi koxim uzar korunk xoktat?
Sasnak Khuxalkaien Jieiat!, Bible xikonk modot, hem pustok uzar korun ami eke nove toren xikoitolim. Tor Bible obheasak toiari kortana ani to ghetat tednam heo suchounneo tumi pallunk zatat.a
Odheai-ant diloli mahiti vachlea uprant videartheak tacher adarit aslole prosn vicharat
Vachunk aslolim versam vachun tim koxim lagu zatat tem somzaiat
Viddeo dakhoun tacher adarit aslole prosn videartheak vicharat
Dor ek pavtt Bible obheas ghetat tednam ek akʼkho odheai sompounk proitn korat
Bible obheas gheunk konnakui itsa asa zalear, tanchea sangata poilim pustika uzar korun obheas suru korat. (“Sasnak Khuxalkaien Jieiat! Hi Pustika Poile Bhettek Koxi Diunchi” hem boks polloiat.) Pustikecho obheas kabar zaun to videarthi xikot ravonk sodhta zalear, pustokachea odheai 4-a thaun obheas suru korat. Tumi, Bible Kitem Xikoita vo Remain in God’s Love hea pustoka thaun Bible obheas gheit asat zalear, Sasnak Khuxalkaien Jieiat! hea pustokachea khoinchea odheai-a thaun obheas fuddem vhoronk zata tem tumchean tharaunk zata.
BIBLE XIKONK TUMKAM IEUKAR, HO VIDDEO POLLOIAT ANI UPRANT HEA PROSNANCHE ZOBAB DIAT:
Novea pustoka thaun tumchim Bible videarthi kitem xiktolim?
Tumchea novea Bible videartheank tumi ho viddeo kiteak dakhounk zai?
Tumi tumchea videartheak kosle dhei dovrunk ani melloun gheunk urba diunk zata?—“Dor Eka Bhagacho Mukhel Vixoi Ani Dhei” ho chart polloiat.
a TTIPNNI: “Anik Sodhat” hea bhagant aslole viddeo obheasa vellar dakhounkuch zai oxem na. Punn tumi obheasa pasot toiari kortana tantuntle khoinche viddeo tumchea videartheak faideak poddttole tea vixim chintlem zalear tumi obheasa vellar te tumchea videartheak dakhoun modot korunk zata. Tumi hea pustokachi vo pustikechi electronic kopi uzar kortat zalear tantunt aslole viddeo ani odik mahiti pollounk klik kelear tumkam tem website-icher pollounk mellttolem.
Dor Eka Bhagacho Mukhel Vixoi Ani Dhei |
|||
|---|---|---|---|
ODHEAI |
MUKHEL VIXOI |
DHEI |
|
01-12 |
Bible tuka koso modot korunk xokta ani tachea Boroupea vixim tunvem koxem zannam zaunk zata tem zannam zaiat |
Bible vachunk, obheasa pasot toiari korunk ani mittingek hajir zaunk tumchea videartheak urba diat |
|
13-33 |
Devan amchea pasot kitem kelam ani taka kosli bhokti manvota tem polloiat |
Bible-antlea sotam vixim dusreank sangonk ani ek porgottnnar zaunk tumchea videartheak urba diat |
|
34-47 |
Devak apli bhokti kortoleamnim kitem kelolem zai tem zannam zaiat |
Aplem jivit Jehovak somorponn korunk ani bautizm gheunk fuddem soronk tumchea videartheak modot korat |
|
48-60 |
Devan amcho mog korit ravonk zai zalear ami kitem korunk zai tem zannam zaiat |
Borea ani vaitta modem ontor vollkhonk ani Deva sangata apli ixttagot ghott korunk tumchea videartheak xikoiat |
|