Bhav-bhoinnanchi Modot Gheiat

Porgottnnent amkam oddchonneancho fuddo korcho poddtta tednam amkam modot zaunk Jehova Devan amkam ‘bhav-bhoinnam’ dileant. (1Ped. 5:9) Paulun Akuila, Prisila, Silas, Timot ani dusream thaun modot ghetli ani taka faido zalo. —It. 18:1-5.

Tor ami pasun bhav-bhoinnachi modot gheunk zai. Tim amkam porgottnni kortana, vattarant lok amchem ulovop bond korunk sodhta tednam ami amchem ulovop chaluch koxem dovrunk zata, vo porot bhetto ami koxeo korunk zatat, vo ek Bible obheas ami koso suru korunk zata, vo amchea lagim Bible obheas asa zalear, ami to bore bhaxen koso gheunk zata tea vixim boreo suchounneo diunk xoktat. Sobhentlim khoinchim bhav-bhoinnam tumkam hea ritin modot korunk xoktat tem polloiat ani tancho adar gheiat. Hea toren ami bhav-bhoinnanchi modot ghetat tednam amkam, toxench tankam-i faido zatolo ani hea kamant amkam khub khuxalkai mellttoli.—Filp. 1:25.

XIS KORCHEA KAMANT SONTOS BHOGAT—JEHOVACHI MODOT GHEIAT—AMCHIM BHAV-BHOINNAM, HO VIDDEO POLLOIAT ANI UPRANT HEA PROSNANCHE ZOBAB DIAT:

• 

  Mittingek ieunk Neetan Daisy-k koxi urba dili?

• 

  Ami amchea Bible obheasak veg-vegllea bhav-bhoinnank kiteak apounk zai?

• 

  Daisy-k ani bhoinn Abigail-ak kiteachi avodd asli?

• Porgottnnechea kamant amchi kola vaddounk bhav-bhoinnam amkam koxim modot korunk xoktat?