Bible Videartheank Vaitt Sangati Pois Korunk Modot Korat

Jehova sangata ixttagot zoddunk Bible videartheamnim bore sangati vinchun kaddunk zai. Karonn tim tankam borem tem korunk modot kortolim.—St. 15:1, 4; Mho. 13:20; lff odheai 48.

Tor tumi tumchea videartheank vaitt sangati pois korunk modot kortat tednam tankam somzon gheiat. Karonn hea sonvsarachim ixttam soddunk tankam khub kotthin zaunk xokta. Tea pasot, tumkam khorench tanchi kallji asa mhunn dakhoiat. Ani hem korunk, tumi tancho obheas ghenant tednam pasun, tumi tankam ek message dhaddunk zata, fon korunk zata vo bhett-ui diunk zata. Ani tumchim Bible videarthim vaddavoll kortat toxim, bhav-bhoinnam sangata vell sarunk pasun tumi tankam apounk zata. Oxe toren, tannim soddleant tea poros anik chodd ixttam tankam mellʼlleant mhunn tankam kollon ietolem. (Mk. 10:29, 30) Ani Jehovachi famil vaddtta tem polloun tumchi-i khuxalkai anik vaddttoli.

TUMCHEA BIBLE VIDEARTHEANK VAITT SANGATI POIS KORUNK MODOT KORAT, HO VIDEO POLLOIAT ANI UPRANT HEA PROSNANCHE ZOBAB DIAT:

• Vaitt sangati mhunnttlear konn?—1Kor. 15:33

• Neetan Daisy-k, bhav-bhoinnam sangata mellon boro vell sartat mhunn sanglem tednam tachea monant kitem ailem?

• Vaitt sangati pois korun borim ixttam korunk Neetan Daisy-k koxi modot keli?