AMCHEM KRISTI JIVIT
Tumchim Online Ixttam Khoreaninch Konn Tem Tumi Zannant Kai?
Eka munxacho ami mog kortat ani valor kortat tednam ami tachea sangata ek khas natem zoddttat. Hem amkam Jonathan ani Davida modem aslolea ixttagoti thaun kollon ieta. Davidan Goliatak jivexim marlo tednam tanchi ixttagot suru zali. (1Sam. 18:1) Ani Davidache bore gunn Jonathanak dixtti poddle tednam tanchea modem asloli ixttagot anikui ghott zali. Tor hantuntlean amkam kollon ieta ki ek boro ixtt to zaun asa zaka ami bore toren vollkhotat. Punn amkam online ixttam chodd vavr korinastana rokddinch korunk mellttat. Tea bhair, amchim online ixttam zaunk sodhtat tim aplea vixim sogli mahiti ghoddie diunchimnant, vo aplea vixim thoddeo vostu tim lipounk puro. Taka lagon, online ixttam vinchun kaddttana ami chotrai dhorunk zai. Tor konnui tumkam ‘friend request’ dhaddtta tednam, ‘na’ mhunnttlear tankam vaitt distolem mhunn chintun ‘hoi’ mhunnonakat. Online ixttagot korunk dhoke asat dekhun thoddim zannam social-network-uch uzar korinant. Punn tumi social-network uzar kortat zalear tumi kitem ugddas dovrunk zai tem polloum-ia.
SOCIAL-NETWORK UZAR KORCHEA VIXIM CHOTUR RAVAT, HO VIDEO POLLOIAT ANI UPRANT HEA PROSNANCHE ZOBAB DIAT:
Social-network-acher message-o vo fottu ghalchea poilim tumi kitem ugddas dovrunk zai?
Online ixtt vinchun kaddttat tednam tumi chotur kiteak ravonk zai?
Social-network-acher tumi kitlo vell sartolim tem poilench chintun dovrop kiteak gorjechem?—Ef. 5:15, 16