Ek-Na-Ek Dis Sogle Tras Kabar Zatolech!

Amkam tras ietat tednam, ani chodd korun te zaito temp amkam sosunk poddttat tednam ami niraxi zaunk puro. Ani oxench Davidak ghoddlem. Raza Saulu taka jivexim marunk sodhtalo tednam taka zaito temp porian lipon ravonk poddlem. Punn ek-na-ek dis aple he tras kabar zatole ani Jehovan sanglolea bhaxen apunn Raza zatolo mhunn David zannam aslo. (1Sam. 16:13) Ani Davidak Jehovacher bhavarth aslo dekhun to pasiensan tacher patieun ravonk pavlo.

Ami xanneponn, ginean vo amchi chintpachi tank uzar keli zalear ami eka trasa thaun ghoddie bhair soronk xoktat. (1Sam. 21:12-14; Mho. 1:4) Punn thodde pavtti, Bible-antlea totvam pormonnem sarkem asa tem soglem korun-ui amkam ghoddie amcher ietat te tras sonxit ravonk poddot. Oxem ghoddtta tednam Jehova amche sogle tras kabar kortolo ani ‘soglim dukham pusun kaddttolo’ mhunn ami pasiensan tacher patieun ravonk zai. (Prok. 21:4) Amche tras Jehova kabar korum vo anik koslea-i karonnank lagon tem kabar zaum, ek mat khorem: Ek-na-ek dis sogle tras kabar zatolech! Ani hem zannam zaun amkam bhuzvonn melltta.

FUTT ASLOLEA SONVSARANT EKVOTTAN ASLOLO LOK, HO VIDEO POLLOIAT ANI UPRANT HEA PROSNANCHE ZOBAB DIAT:

• United States-achea dokxinn bhagant ravtolea thoddea bhav-bhoinnank koslea oddchonneancho fuddo korcho poddlo?

• Tannim pasiens ani mog koso dakhoilo?

• ‘Odik borem vo odik mhotvachem’ tacher tim koxim dhean di-it ravonk pavlim?—Filp. 1:10