Kotthin Poristhitincho Dhiran Fuddo Korat

Hea nimannea disamnim amkam zaitea oddchonneancho fuddo korunk poddtta. Ani ami xevottak lagim pavtat toxim, amkam anikui oddchonneancho fuddo korunk poddttolo. Thodde pavtti, amkam amcheo gorjecheo vostu mellonk kotthin zaunk xokta. (Hab. 3:16-18) Tor oslea poristhitincho dhiran fuddo korunk amkam koxi modot zatoli? Ami Jehovacher amcho visvas ghott korit ravonk zai. Aplea sevokanchi apunn kallji ghetolo mhunn Jehovan bhas dilea. Ani to koslea-i poristhitint amkam samballttolo mhunn ami khatri dovrunk zata.—St. 37:18, 19; Heb. 13:5, 6.

Tumi kitem korunk zata:

• Jehova lagim margdorxon, zannvai ani modoti pasot vinoti korat.—St. 62:8

• Tumi poilim ghoddie kednanch korunk na toslem kam korunk fuddem sorat.—g 1/10-E 8-9, boksam

• Sodanch Bible vachat, mittingek hajir zaiat ani porgottnni korat

THIR URTA TOSLEM GHOR BANDAT—“ASA TITLEANUCH DHADOXI ZAIAT,” HO VIDEO POLLOIAT ANI UPRANT HEA PROSNANCHE ZOBAB DIAT:

• Thoddea familink koslea oddchonneancho fuddo korunk poddlo?

• Amchea jivitant sogleam-von chodd mhotvachem kitem?

• Kotthin poristhitincho fuddo kortat tankam ami koxi modot korunk zata?