AMCHEM KRISTI JIVIT
Jehovachem Chintop Zannam Zaunk Proitn Korat
Ami kortat tea sogleant ami Jehovak manvota tem korunk sodhtat. (Mho. 27:11) Oxem korunk amche nirnnoi Jehovachea chintpa pormonnem asonk zai. Punn Jehovan amkam sogleach vixoi-am vixim kaide diunk nant. Tor ek umkoch kaido na tednam pasun ami Jehovachem chintop koxem zannam zaunk xoktat?
Chukonastana Bible-acho obheas korat. Dor ek pavtt Bible vachtana, eka orthan ami Jehova sangata vell sartat. Tor Jehova apleam lokam sangata koso vaglo tacher ami dhean ditat, toxench, Jehovache nodren konnem sarkem tem kelem vo korunk na tea Bible-antlea udharonnancher ami bariksannen obheas kortat, tednam Jehovachem chintop zannam zaunk amkam modot zatoli. Tea bhair, amkam ek nirnnoi gheunk poddtta tednam ami Bible-ant xikleant tim mhotvachim lisanvam ani totvam, Jehovachi povitr xokti amchea monant haddunk xokta.—Ju. 14:26.
Sodh korat. Amkam ek nirnnoi gheunk poddtta tednam ami amkanch vicharunk zata, ‘Hea poristhiti vixim Jehovachem chintop zannam zaunk mhaka khoinchim Bible-antlim versam vo udharonnam modot korunk xoktat?’ Toxench, ami magnneant Jehovachi modot magonk zai ani amche bhaxent aslolim sodh korchim sadhonam uzar korun, amche poristhitik khoinchim Bible-antlim totvam lagu zatat tem sodhun tim apnnaunk zai.—St. 25:4.
AMI ‘THIRAIEN DHAVOT RAVONK ZAI’—GHOTTAIECHEM JEVONN JEUNK ZAI, HO VIDEO POLLOIAT ANI UPRANT HEA PROSNANCHE ZOBAB DIAT:
Video-ntle tornnatte bhoinnik kosle dobhav aile?
Tumcher oslech toreche dobhav ietat tednam tumkam modot zaunk tumi sodh korchim sadhonam koxim uzar korunk zatat?
Bore nirnnoi gheunk, ami vell kaddun sodh kortat ani svotacho obheas kortat tednam amkam koso faido zata?—Heb. 5:13, 14