Tumi Bible-achem Audio Rekordding Aikotat Kai?

Bible-achem audio rekordding mhunnttlear kitem? Hem revised New World Translation Bible-achem audio rekordding zaun asa. Him rekorddingam sovkas-sovkas korun zaitea bhasamnim ieit asat. Hantunt kitem khas asa? Bible-antlea veg-vegllea munxank, veg-veglle avaz uzar keleat ani Bible-acho sondex spoxtt toren somzonk tantuntlim utram favo thoim zor diun, ani bhavnam ghalun vachleant.

Bible-achem audio rekordding aikololean thoddeank koso faido zata? Bible-achem audio rekordding sodanch aikololean, zaiteank tim avddonk lagleant. Karonn hea udexim Bible-antleo ghoddnneo tankam khoreo zaunk pavleat. Bible-antlea dor eka munxak veg-vegllo avaz uzar kelolean, Bible-antlea ghoddnneam vixim anikui bore bhaxen chintunk ani tim kitem vachtat tachi anikui bori somzonni mellonk tankam modot zalea. (Mho. 4:5) Toxench, usko zata tednam Bible-achem audio rekordding aikololean zaiteank monachi xanti mellʼllea.—St. 94:19.

Devachea Utrachem vachop aikololean amchea jivitacher ek ekdom boro probhav poddonk xokta. (2It. 34:19-21) Tor tumkam somzota tea bhaxen, Bible-achea akʼkhea vo thoddea bhaganchem audio rekordding asa zalear tem aikonk tumi sonvoim korunk zata kai?

BIBLE-ACHEM AUDIO REKORDDING KOXEM TOIAR ZATA?—HACHO THODDO BHAG, HO VIDEO POLLOIAT ANI UPRANT HEA PROSNACHO ZOBAB DIAT:

Bible-achem audio rekordding koxem kortat tache vixim tumkam chodd kitem avoddlem?